1 SAMUEL 19:4 - Dios Rimashcata Quillcashcami

⁴ Jonatán Davidta alli nishpa Saulman parlashpaca: —Jatun mandaclla canta servic Davidta llaquichishpa ama juchallichu. Paica ima mana allitapish cantaca mana ruhuashcachu. Ashtahuanpish imata cashpapish allitami canmanca ruhuashca.

1 SAMUEL 19:4 Iomraidhean Croise

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 9:6

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

2 CRÓNICAS 6:22

Maijan cashpapish, paipac ricsishcahuan juchallicpi, cambac cai huasi ucupi tiyac altar ñaupapi huillachun pushamucpica,

SALMOS 35:12

Allita ruhuashcamantaca mana allitami ñucamanca ruhuancuna. ¡Ñuca almaca yallitami llaquirin!

SALMOS 59:4

Ima llaquita mana ruhuashca cacpipish, tandanacushpami huañuchinata yuyarincuna. Ñucata ayudangapac jatariyari, ñucata ricuiyari.

PROVERBIOS 17:13

Maijan allita ruhuacpi, mana allita ruhuashpa cutichic runapac huasimantaca ima mana allica mana anchuringachu.

JEREMÍAS 18:20

Can yallita piñarishcata pasachichun ñuca paicunamanta mañashcataca yuyariyari. Ashtahuanpish paicunaca ñucata enterrana jutcutami allashca. ¿Allita ruhuashcamantaca, mana allitachu ruhuana canga?

1 CORINTIOS 8:12

Chai shina mana allita ruhuashpaca, manarac sinchi criccunapac yuyaita pandachishpami, Cristollatatac piñachishpa, juchata ruhuanguichic.

1 JUAN 3:15

Maijanpish paipac huauquita piñacca huañuchicmi. Maijanpish huañuchicca huiñai causaitaca mana charinchu. Chaitaca cancunallatac yachanguichicmi.

1 SAMUEL 2:25

Maijanpish shuc runata piñashpa llaquichicpica, juezcunami allichinga. Ashtahuanpish Mandac Diosta piñashpa juchata ruhuacpica, ¿pitac allichingayari?— nirca. Shina nicpipish, paicunaca taita rimashcataca mana uyasha nircacunachu. Chaica Mandac Diosllatac causaita paicunamanta quichugricucpimi mana uyarca.

1 SAMUEL 20:32

Shina nicpimi, Jonatanca paipac taita Saultaca: —¿Ima nishpatac huañungayari? ¿Paica imatatac ruhuashcayari?— nirca.

1 SAMUEL 22:14

Shina nicpimi, Ahimelec curaca jatun mandactaca: —¿Tucui canta servicpuramanta cambac yerno shina can mandashcata pactachicca pitac tiyanyari? Paica tucui canta cuidac soldadocunata pushacmi, shinallatac can mandashpa causana huasipipish tucuimi alli nincuna.