1 SAMUEL 18:8 - Dios Rimashcata Quillcashcami

⁸ Chashna nishpa cantashcaca Saulmanca mana allichu carca. Chaimantami yallita piñarishpa: «Davidca chunga huaranga runatami huañuchirca, Saulca shuc huaranga runatami huañuchirca nincunami. ¡Ashtahuanpish Davidca jatun mandacmi ninallami faltan!» nishpa yuyarca.

1 SAMUEL 18:8 Iomraidhean Croise

GÉNESIS 37:11

Paipac huauquicunaca piñashpami, mana ricunayachirca. Cutin taitaca cai muscui imata nisha nishcatami yuyacurcalla.

GÉNESIS 37:8

Chashna parlacpimi, Josepac huauquicunaca: —¿Canchu ñucanchicta mandangapac shayarigringui?— nirca. Josetaca muscushcamantapish, parlashcamantapish piñashpami, ashtahuan mana ricunayachirca.

1 REYES 2:22

Shina nicpi, jatun mandac Salomonca paipac mamataca: —Sunamitapuramanta Abisag huarmitaca, ¿ima nishpatac Adoniasman cuchun nishpa mañangui? Paica llactata mandanatapish mañacunmi. Paica ñucapac punta huauqui cashpami, Abiatar curatapish, Sarviapac cari huahua Joabtapish ña charin— nirca.

ESTER 3:5

Amanca paipac ñaupapi mana cunguricta, mana llaquiricta ricushpami, Mardoqueohuanca yallita piñarirca.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

NÚMEROS 11:1

Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 22:34

Chaimantami Balaamca Mandac Diospac angeltaca: —Can ñanpi ñucata jarcacushcata mana yachashpami juchallishcani. Ñuca rina mana alli cacpica, cutishpa rishalla— nirca.

SANTIAGO 4:5

Dios quillcachishcapica: «Ñucanchic shungupi espirituta churac Diosca, paipaclla causachunmi munan» nicunmi. Chaitaca, ¿yangalla cashcatachu yuyanguichic?

1 SAMUEL 13:14

Ashtahuanpish cunanca mana unaitachu mandangui. Canta Mandac Dios mandashcata mana cazushcamantaca pai munashca shina causac runatami pai acllashcacunata mandachunca churanga— nirca.

1 SAMUEL 15:28

Shina lliquiricpimi Samuelca: —Mandac Diosca can chashna lliquishca shinami Israel llactata can mandanata quichushpa cambac ricsishca canta yalli ashtahuan alli runaman curca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 18:9

Chai punzhamanta pachami Saulca Davidtaca piñai callarirca.

1 SAMUEL 19:1

Saulca paipac churi Jonatantapish, paita serviccunatapish, Davidta huañuchichunmi mandarca. Shina cacpipish Saulpac churi Jonatanca maimi Davidtaca cuyac carca.

1 SAMUEL 20:31

Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.