1 SAMUEL 17:7 - Dios Rimashcata Quillcashcami

⁷ Paipac lanzaca telar pilluna caspi shina racumi carca. Chai lanzapac fierro puntaca canchis kilotami llashac carca. Paipac escudohuanca shuc runami ñaupashpa puric carca.

1 SAMUEL 17:7 Iomraidhean Croise

2 SAMUEL 21:16

Manchana jatun runacunapuramanta Isbi-benobmi Davidta huañuchingapac shamurca. Chai runapac lanzaca quimsa kilo chaupi llashac bronce lanzami carca. Shinallatac chumbillishcapica mushuc espadata satishcami carca.

2 SAMUEL 21:19

Cutinllatacmi Gob pueblopi filisteocunahuan shuctac macanacui callarirca. Chaipimi Belén pueblomanta Jaare-oreguimpac churi Elhananca geteocunapuramanta Goliatta huañuchirca. Paipac lanzaca telar pilluna caspi shina racumi carca.

1 CRÓNICAS 11:23

Paillatacmi egipciopuramanta shuc jatun runatapish huañuchirca. Chai runaca ishcai metro ishcai chunga pichca centímetro jatunmi carca. Paica telar pilluna caspi shina racu lanzatami charicurca. Shina cacpipish, Benaiasca shuc caspillahuan llucshishpami lanzata quichushpa, chaillahuantac huañuchirca.

1 CRÓNICAS 20:5

Cutinllatac filisteocunahuan macanacushpami Jairpac churi Elhananca geteopuramanta Goliatpac huauqui Lahmita huañuchirca. Chai runapac lanzaca telar pilluna caspi shina racumi carca.

1 SAMUEL 17:41

Cutin filisteopish paipac escudota apac runata ñaupachishpami Davidpacman allimanta shamurca.