1 SAMUEL 17:4 - Dios Rimashcata Quillcashcami

⁴ Chashna cacpimi, filisteopuramanta Gat pueblopi causac macanacunata alli yachac Goliat llucshirca. Paica quimsa metro yalli altomi carca.

1 SAMUEL 17:4 Iomraidhean Croise

1 CRÓNICAS 11:23

Paillatacmi egipciopuramanta shuc jatun runatapish huañuchirca. Chai runaca ishcai metro ishcai chunga pichca centímetro jatunmi carca. Paica telar pilluna caspi shina racu lanzatami charicurca. Shina cacpipish, Benaiasca shuc caspillahuan llucshishpami lanzata quichushpa, chaillahuantac huañuchirca.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

JOSUÉ 11:22

Anaquitacunaca israelcunapac llactapica shucllapish mana saquirircachu. Ashtahuanpish maijancunallami Gaza, Gat, Asdod pueblocunapi saquirirca.

1 SAMUEL 17:23

David paipac huauquicunahuan parlacucpiracmi Gad pueblomanta macanacunata alli yachac Goliatca filisteo soldadocunapac chaupimanta llucshishpa ñaupaman rimashpa llaquichic shinallatac llaquichirca. Chaitami Davidca uyarca.

1 SAMUEL 17:3

Filisteocunaca shuc lado lomapimi carca. Cutin israelcunaca caishuc lado lomapimi carca. Chai lomacuna chaupipica shuc pugru pambami tiyarca.

1 SAMUEL 17:5

Paipac umapica bronce cascota churarishca, paipac cuerpopipish broncellamantatac ruhuashca churanata churarishcami carca. Chai churanaca pichca chunga canchis kilotami llasharca.

1 SAMUEL 27:4

David Gat puebloman miticushpa rishcata uyashpami Saulca mana ashtahuan mashcarca.