1 SAMUEL 16:7 - Dios Rimashcata Quillcashcami

⁷ Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.

1 SAMUEL 16:7 Iomraidhean Croise

GÉNESIS 4:5

Ashtahuanpish Mandac Diosca Caintapish, pai cushca ofrendatapish mana cushilla chasquircachu. Chaimantami Cainca ñahui shuctacyashpa, sinchita piñarirca.

2 SAMUEL 14:25

Absalón shina tucuipac alli nishca runaca tucui Israel llactapica shucllapish mana tiyarcachu. Paica chaquimanta umacaman sumac runami carca.

2 SAMUEL 7:20

Mandac Dioslla, canta servic ñucataca canllatac ricsinguimi. Chaimanta, ¿imatatac ashtahuan nishayari?

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

1 CRÓNICAS 17:18

Mandac Dioslla, ¿canta servic ñucaman allicunata ruhuashcamantaca imatatac ashtahuan nishayari? Canllatac ricsinguimi.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

2 CRÓNICAS 6:30

Shina mañacpica, can causana jahua pachapi uyashpami, paicunapac juchacunata perdonangui. Shina Perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui.

JOB 10:4

Canca mana huañunalla runa, shinachu ricungui.

JOB 35:5

Jahua pachata huichailla ricushpa, chaipi tiyac puyuta allita ricuiyari. Chaicunaca cantapish yalli jahuamanmi tiyacun.

SALMOS 139:2

Ñuca tiyarinatapish, ñuca jatarinatapish canmi ricsingui. Carumantami ñuca imata yuyacushcatapish yachangui.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

PROVERBIOS 15:11

Seolpish, Abadonpish Mandac Diospac ñaupapimi. ¡Runacunapac shungutacarin ashtahuanmi ricucun!

PROVERBIOS 16:2

Runapac yuyaipica pai tucui ruhuashcacunami alli ricurin. Ashtahuanpish Mandac Diosmi chai yuyaitaca pezac shina ricucun.

PROVERBIOS 24:12

Can: «Chaitaca manatac yachashcanichu» nicucpipish, ¿tucuipac shunguta pezashpa ricuc Diosca manachu yachanga? Cambac causaita ricuc Diosmi chaitaca yachan. Runacunamanca paicuna imata ruhuashca shinallatacmi cunga.

PROVERBIOS 31:30

Ñahuilla sumac cashpaca inquitanllami. Ricuilla sumac cashcapish yangallami can. Ashtahuanpish Mandac Diosta manchac huarmimi alli nishca canga.

JEREMÍAS 11:20

Shina cacpimi ñucaca: «Tucuita Mandac Dioslla, canca cashcata ruhuacmi cangui. Tucui gentecunapac yuyaitapish, shungupi yuyacushcatapish allita ricucmi cangui. Ñucata llaquichinata yuyariccunataca cambac maquipi churarcani. Can paicunata llaquichicucta ricunatami munani» nircani.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 20:12

Tucuita Mandac Dioslla, cashcata ruhuaccunataca ricuracunguimi. Yuyaitapish, shungutapish tucuitami ricungui. Ñucata llaquichiccunataca cambac maquipimi churani. Ñucata llaquichishcamantaca paicunatapish ñuca ricucucpi llaquichiyari.

SAN LUCAS 16:15

Chaimantami Jesusca: «Cancunaca gentecunapac ñaupapica, cashcata ruhuaclayallami canguichic. Ashtahuanpish Diosca cancuna imata yuyacushcataca yachanmi. Cai pachapi gentecunalla alli nishcacunaca, Diospac ñaupapica millanami can.

SAN JUAN 7:24

Ama ñahuita ricushpalla juchanchichicchu. Ashtahuanpish cashcata ruhuashpa juchanchichic— nirca.

SAN JUAN 8:15

Cancunaca gentecuna yuyashca shinami juchanchinguichic. Ashtahuanpish ñucaca pita mana juchanchinichu.

HECHOS 1:24

Chaimanta Diosta mañashpaca: «Mandac Dioslla, canmi tucuipac shunguta ricsingui. Cunanca, cai ishcai runacunamanta, maijan can acllashcata ricuchiyari.

2 CORINTIOS 10:10

Ñucataca maijancunaca: “Pai quillcashcaca sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 10:7

Cancunaca jahualla ima shina cashcatami ricunguichic. Maijanpish “Cristopacmi cani” nishpa paillata niricushpaca, ñucanchictapish Cristopac cashcatami yuyana can.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina cacpipish, Diosmanca achca valic acllashca rumimi can.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

1 SAMUEL 9:2

Cisca cunanlla huiñai sumac Saúl churitami charirca. Israelpurapica paita yalli ashtahuan sumacca mana tiyarcachu. Paica tucui gentecunatami rigramanta huichaiman yalli carca.