1 SAMUEL 16:5 - Dios Rimashcata Quillcashcami

⁵ Shina tapucpi Samuelca: —Ari, ñucaca Mandac Diosman cushpa, rupachingapacmi shamuni. Cancunapish Diospaclla tucushpa Diosman cushpa rupachingapac ñucahuan jacu— nirca. Chai quipaca Isaitapish, paipac churicunatapish chuyayachishpami Diosman cushpa rupachingapac jacu nirca.

1 SAMUEL 16:5 Iomraidhean Croise

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

1 REYES 2:13

Haguit huarmipac cari huahua Adoniasca Salomonpac mama Betsabepacmanmi shamurca. Betsabeca Adoniastaca: —¿Canca allipacchu shamungui?— nishpa tapurca. Shina tapucpi paica: —Ari, allipacmi shamuni— nirca.

1 CRÓNICAS 12:18

Shina nicpimi, quimsa chunga sinchi runacunata mandac Amasai Diospac Espíritu paipacman shamucpica: «¡Isaipac churi David, cambacmi canchic. Cushi causaimi tiyanga! ¡Canpish, canta ayudaccunapish cushi causaitami charinguichic! ¡Cantaca cambac Diosmi ayudan!» nirca. Shina nicpimi, Davidca paicunata chasquishpa, soldadocunata mandaccunahuan churarca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

JOEL 2:16

¡Tucui gentecunata tandachishpa, Diospacllata ruhuaichicyari! ¡Pushac yuyaccunatapish, huahuacunatapish, chuchucuc huahuacunatapish tandachicchicyari! ¡Cunanlla cazarashca noviacunata sueñuna ucumanta pushamuichicyari!

SOFONÍAS 1:7

¡Mandac Diospac ñaupapi upalla caichic! ¡Mandac Dios llaquichina punzhami pactamucun! Mandac Diosca animalta huañuchic shina ruhuangapacmi allichishca. Chaipacmi paicunata piñachiccunata cayashca.

NÚMEROS 11:8

Israelcunaca chai manatac japingapac llucshishpaca cutashpa, mana cashpaca tacashpami yanuccuna, mana cashpaca tandata ruhuashpa cusashpa micuccuna carca. Chai micunaca mushuc aceite shina mishquimi carca.

1 CORINTIOS 11:28

Chaimantami manarac micushpa, manarac ubiashpa, quiquin ima shina cashcatarac yuyarina can.

JOSUÉ 3:5

Josué israelcunata rimashpaca: «Chuyayashpa, Diospaclla tucuichic. Mandac Diosca cayami cancunaman sumaimanacunata ruhuagrin» nirca.

JOSUÉ 7:13

Jatari, israelcuna chuyanlla tucuchunca: “Cayapac mapa illac tucuichic. Mandac Diosca: ‘Israelcunalla, cancunapac chaupipimi ñuca tucuchingapac chicanyachishca tiyacun. Cancunapac chaupimanta ñuca tucuchingapac chicanyachishcata anchuchingacaman cancunata piñaccunata mana ati pudinguichicchu’ ninmi” nirca.

1 SAMUEL 20:26

Chai punzhaca David illacta ricushpapish Saulca imata mana nircachu. Chaica: «Diospac ñaupapi ima mana allita ruhuashca cashpami manarac alli tucushca canga» yuyarcami.