1 SAMUEL 16:4 - Dios Rimashcata Quillcashcami

⁴ Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.

1 SAMUEL 16:4 Iomraidhean Croise

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

GÉNESIS 48:7

Cambac mama Raquelca ñuca Padan-aram llactamanta shamucucpimi, Efrataman chayana Canaanpi huañurca. Paitaca Efrataman rina ñanllapitacmi enterrarcani. Chai pushtuca Belenmi— nirca.

2 SAMUEL 6:9

Chai punzhacunapi David Mandac Diosta manchashpaca: «¿Ima shinatac ñuca huasimanca Mandac Diospac Arcata apashayari?» nirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 2:13

Haguit huarmipac cari huahua Adoniasca Salomonpac mama Betsabepacmanmi shamurca. Betsabeca Adoniastaca: —¿Canca allipacchu shamungui?— nishpa tapurca. Shina tapucpi paica: —Ari, allipacmi shamuni— nirca.

2 REYES 9:22

Joramca Jehuhuan tapushpaca: —Jehú, ¿allipacchu shamungui?— nirca. Shina nicpimi paica: —Cambac mama Jezabel yallita huainayashpa, yallita brujiashpa causacucpica, ¿maitatac allipac shamushayari?— nirca.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

OSEAS 6:5

Chaimantami ñuca ima nishcata huillaccunata cachashpa, cancunataca chingachircani. Ñuca rimashcahuanmi huañuchircani. Ñuca cashcata ruhuashcaca luz shinami canga.

SAN LUCAS 2:4

Joseca Davidpac huahua huahuapura cashcamantami, Galilea llacta Nazaret pueblomanta ñaupa mandac Davidca huacharishca Judea llacta Belén puebloman rirca.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN LUCAS 8:37

Chashna parlacpimi, tucui Gadara llactamanta shamuccunaca yallita manchaihuan carca. Chaimantami Jesustaca chaimanta richun nirca. Chashna nicpimi, Jesusca canoapi yaicushpa rirca.

1 SAMUEL 21:1

Davidca Nob pueblopi causac Ahimelec curapacmanmi rirca. Ahimelec cura Davidta ricushpaca yallita mancharishpami: —¿Ima nishpatac pitapish mana pushashpa canlla shamungui?— nirca.