1 SAMUEL 16:3 - Dios Rimashcata Quillcashcami

³ Chaita rupachingapacca Isaitapish cayangui. Chaipimi can ima ruhuana cashcataca huillasha. Maijantami ñuca ricuchini, paita aceitehuan cahuingui— nirca.

1 SAMUEL 16:3 Iomraidhean Croise

2 SAMUEL 15:11

Absalonhuanca ishcai patsac gentecunatami Jerusalenmanta cayashpa aparirca. Paicunaca imata ruhuagricushcata mana yachashpami rirca.

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

1 CRÓNICAS 11:3

Israelcunata pushac tucui yuyaccunami jatun mandacpacman Hebrón puebloman shamurcacuna. Shina shamucpimi, Davidca Hebrón pueblopi Mandac Diospac ñaupapi paicunahuan ari ninacurca. Mandac Dios Samuelman huillashca shinallatacmi israelcunata jatun mandac cachun Davidtaca aceitehuan cahuirca.

ÉXODO 4:15

Imata can ninataca paiman tucui huillangui. Ñucami can rimacpipish, pai rimacpipish imata rimanata yachachisha.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

1 SAMUEL 9:16

«Caya cai horasllatacmi Benjamín aillupac llactamanta shuc runata cambacman cachasha. Paitaca ñuca acllashca israelcunata mandac cachun aceitehuan cahuingui. Paimi ñuca acllashcacunataca filisteocunapac maquimanta quishpichinga. Ñuca acllashcacuna llaquilla causacushcata ricushcanimi. Paicuna caparishpa mañashcaca ñucamanmi uyarirca» nirca.