1 SAMUEL 16:2 - Dios Rimashcata Quillcashcami

² Shina nicpimi Samuelca: —¿Ima shinatac rishayari? Ñuca rishcata Saúl yachashpaca huañuchingami— nirca. Shina nicpimi, Mandac Diosca: —Huagracunamanta shuc becita apashpa: “Mandac Diosman cushpa rupachingapacmi shamurcani” ningui.

1 SAMUEL 16:2 Iomraidhean Croise

ÉXODO 3:11

Shina nicpimi, Moisesca Mandac Diostaca: —Faraonpacman rishpa, Egiptomanta israelcunata llucchimungapacca, ¿ñucaca imatac caniyari?— nirca.

SAN MATEO 10:16

Ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapa, paloma humilde caichic.

SAN LUCAS 1:34

Ángel shina nicpimi Mariaca: —¿Ima shinatac chashna cangayari? Manarac pi carillahuanpish canichu— nirca.

1 SAMUEL 16:3

Chaita rupachingapacca Isaitapish cayangui. Chaipimi can ima ruhuana cashcataca huillasha. Maijantami ñuca ricuchini, paita aceitehuan cahuingui— nirca.

1 SAMUEL 20:29

Paica: “Ñucanchic familiacunami chai pueblopi Diosman cushpa animalta huañuchishpa fiestata ruhuacuncuna. Ñuca huauquica ñucatami shamuchun nishca. Chaimanta ñuca cambac ñaupapi alli ricurishca cacpica, ñuca huauquicunata ricungapac richun saquiyari” nirca. Chaimantami jatun mandac-huan micungapacca mana shamushca— nirca.

1 SAMUEL 9:12

Shina tapucpimi, chai solteracunaca: —Ari, utca richiclla, cancunata ñaupashpami ricun. Cunanca gentecuna animalta Diosman cushpa, lomapi huañuchina punzha cacpimi, paica ima ruhuana cashcata ruhuangapac puebloman shamushca, utca richiclla.