1 SAMUEL 15:3 - Dios Rimashcata Quillcashcami

³ Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

1 SAMUEL 15:3 Iomraidhean Croise

GÉNESIS 36:12

Timnaca Esaupac churi Elifazpac caishuc huarmimi carca. Chai huarmimi Elifazpactaca Amalec huahuata charirca. Caicunami Esaú Adapi charishca churipac huahuacuna.

2 SAMUEL 1:8

Shina nicpimi paica: “¿Pitac cangui?” nishpa tapurca. Shina tapucpi ñucaca: “Amalecitami cani” nircani.

ÉXODO 17:14

Chaimantami Mandac Diosca Moisestaca: —Caipi ima tucushcata yuyaringapac shuc libropi quillcai. Shinallatac Josuemanca: “Amalecitacunataca tucuimi cai pachapica tucuchigrini” nishpa allita huillangui— nirca.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

NÚMEROS 24:20

Balaam amalecitacunata ricushpa, yuyarina rimaicunahuan huillashpa: «Amalecitacunapac llactaca tucuita yallimi. Shina cashpapish tucuchishpa chingachishcami canga» nirca.

NÚMEROS 31:17

Cunanca, tucui cari huahuacunata, carihuan chayarinacushca huarmicunata huañuchichic.

JOSUÉ 10:39

Chai pueblota japishpami, chai pueblopi cac jatun mandactapish, chai pueblo cuchulla llactacunapi causaccunatapish espadahuan chugrichishpa huañuchirca. Chaipipish tucuita huañuchishpami shucllatapish mana causacta saquirca. Hebrón pueblopi, Libna pueblopi causaccunatapish, chai pueblota jatun mandactapish ruhuashca shinallatacmi Debir pueblopi causaccunatapish, chai pueblota jatun mandactapish tucui huañuchirca.

1 SAMUEL 14:48

Shinallatac achca soldadocunata tandachishpami amalecitacunahuan macanacushpa atirca. Chashnami israelcunataca paicunapac ima charishcata quichuccunapac maquimanta quishpichirca.

1 SAMUEL 15:18

Chaimantami Mandac Diosca cantaca: “Juchata ruhuac amalecitacunata tucuchigri” nishpa mandarca.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

1 SAMUEL 22:19

Shinallatac curacuna causana Nob puebloman rishpami caricunatapish, huarmicunatapish, huahuacunatapish, chuchucuc huahuacunatapish espadahuan huañuchirca. Shinallatac huagracunatapish, burrocunatapish, ovejacunatapish espadahuan chugrichishpami tucui huañuchirca.

1 SAMUEL 27:9

Davidca chai llactapi causaccunataca caricunata, huarmicunata huañuchishpami, ovejacunata, vacacunata, burrocunata, camellocunata, churanacunata apashpa Aquispacman cutirca.

1 SAMUEL 30:17

Chaipimi Davidca manarac alli achicyacpi macai callarishpaca, cayandi punzha chishiyangacaman chugrishpa huañuchirca. Chai runacunamantaca shucllapish mana atircachu. Ashtahuanpish chuscu patsac mosocunallami camellocunapi montashpa ati rirca.