1 SAMUEL 14:3 - Dios Rimashcata Quillcashcami

³ Ahitob runapac churi Ahiasmi efod nishcacunata apac carca. Ahitobca Fineespac churimi carca. Shinallatac Icabodpac huauquimi carca. Fineesca Elí curapac churimi carca. Elica Silo pueblopimi Mandac Diosta servic cura carca. Israelcunaca Jonatán rictaca mana yacharcacunachu.

1 SAMUEL 14:3 Iomraidhean Croise

1 SAMUEL 1:3

Elcanaca Mandac Diosta alli ningapac animalta cushpa huañuchingapacmi, pai causana pueblomantaca Silo puebloman huatanta huichai ric carca. Chaipica Elipac ishcai churicuna Ofni, Fineesmi, Mandac Diospac curacuna carca.

1 SAMUEL 14:36

Chai quipami Saulca: —Cunan tutallatac filisteocunahuan macanacungapac urai rishpa achicyangacaman paicunata huañuchishpa, paicunapac charishcata quichumushun— nirca. Shina nicpimi gentecunaca: —Imapish canman alli ricurina cacpica, chaita ruhuailla— nircacuna. Chashna nicpimi, shuc curaca: —Manarac macanacuiman rishpa Mandac Diosman cuchuyashunchic— nirca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.

1 SAMUEL 22:20

Ashtahuanpish Ahimelecpuramanta Ahitobpac churi Abiatarmi miticushpa Davidpacman rirca.

1 SAMUEL 4:21

Paica: «Sumac achiclla Diosca israelcunamanta anchurishcami» nishpami chai huahuataca Icabodta shutichirca. Diospac Arcata quichushcamanta suegropish, paipac cusapish huañushcamantami chashnaca shutichirca.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.