1 SAMUEL 13:4 - Dios Rimashcata Quillcashcami

⁴ Israelcunaca: «Saulca urcupi cuidacuc filisteo soldadocunahuanmi macanacushpa atishca. Chaimantami filisteocunaca israelcunata mana ricunayachicun» nictami uyarcacuna. Shina cashcamantami israelcunaca Saulta catingapac Gilgal pueblopi tandanacurca.

1 SAMUEL 13:4 Iomraidhean Croise

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

JOSUÉ 5:9

Chaipimi Mandac Diosca Josuetaca: «Cunanmi Egipto llactapi pingaichishcata anchuchini» nirca. Chaimantami chai lomataca Gilgalta shutichirca. Shinami cunancaman chai shuti can.

1 SAMUEL 10:8

Chai quipaca Gilgal puebloman ñuca manarac chayacpimi, canrac chayangui. Ñucaca quipatami Diosman cushpa tucuita rupachinatapish, paihuan alli tucungapac cushpa huañuchinatapish, apashpa cambacman chayasha. Chaipica cambacman ñuca chayangacaman canchis punzhata shuyangui. Chaipimi can imata ruhuana cashcata yachachisha— nirca.

1 SAMUEL 27:12

Ashtahuanpish Aquisca David ima nishcatapish crishpami: «Davidca Israel llactapica piñai tucushcami. Shina cashpaca, huiñaitami ñucata servic canga» nirca.