1 SAMUEL 13:12 - Dios Rimashcata Quillcashcami

¹² Chaimantami ñucaca: “Cunanca filisteocuna ñucanchic-huan macanacungapac Gilgal puebloman urai shamungamari. Ñucaca Mandac Diosta ayudachun nishpaca mana mañashcanichu” yuyashpami ñucallatac Diosman cushpa tucui rupachingapac shayarircani— nirca.

1 SAMUEL 13:12 Iomraidhean Croise

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

1 SAMUEL 13:11

Chaipimi Samuelca: —¿Imatatac ruhuarcangui?— nishpa tapurca. Shina tapucpi Saulca: —Tucui gentecunami ñucata saquishpa ri callarirca. Canpish shamushami nishca punzhaca mana chayamurcanguica. Filisteocunapish Micmas pueblopimi tandanacushca carca.

1 SAMUEL 13:13

Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.

1 SAMUEL 15:12

Chai quipami Samuelca manarac alli punzhayacpi, utca jatarishpa Saulhuan tupangapac rirca. Samuel chaiman chayacpica: —Saulca ñami Carmel puebloman rirca. Riquichic, paita yuyarina pircata shayachishpami Gilgal puebloman muyushpa urai rirca— nirca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.

1 SAMUEL 21:7

Chai punzhallatacmi Saulta servicpuramanta shuc runa Mandac Diospac huasipi saquirishca carca. Paica Saulpac ovejacunata michiccunata mandac Edom llactamanta Doegmi carca.