1 SAMUEL 12:2 - Dios Rimashcata Quillcashcami

² Riquichic, cunanca cai jatun mandacmi cancunapac ñaupata ringa. Ñucaca ña yuyac, yurac accha jundami cani. Shina cacpipish, ñuca churicunaca cancunahuanmi. Ñucaca huambramanta pacha cunan punzhacamanmi cancunataca pushacushcani.

1 SAMUEL 12:2 Iomraidhean Croise

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

2 TIMOTEO 4:6

Ñucaca ñami Diosman cushpa huañuchina shinalla cani. Ñuca caimanta rina punzhaca ñami chayamucun.

JOSUÉ 23:1

Mandac Dios israelcunata paicunapac muyundipi causac piñaccunamanta samachishca tauca huatacuna quipami, Josueca tauca huatayuc, ña yuyac cashpa,

JOSUÉ 23:2

tucui israelcunata, paicunata pushac yuyaccunata, paicunata mandaccunata, juezcunata, quipa mandaccunatapish cayarca. Chashna cayashpaca: «Ñucaca tauca huatayuc, ña yuyacmi cani.

2 PEDRO 1:14

Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.

1 SAMUEL 2:22

Elica ña yuyacmi carca. Shina cashpapish, paipac churicuna israelcunata imata ruhuacucta shinallatac Dios-huan tupana huasi pungupi cuidac huarmicunahuan ima shina sueñushpa causacushcatapish tucuitami yacharca.

1 SAMUEL 2:29

¿Ima nishpatac ñucaman animalta cushpa huañuchishcatapish, shuctac ofrendacunatapish yangapi churanguichic? Chaicunataca ñucahuan tupana huasipi rupachichunmi mandarcani. Cambac churicunatami ñucata yalli alli nishpa, ñuca acllashca israelcuna cushcacunamantaca ashtahuan allita carashpa huirayachishcangui” ninmi.

1 SAMUEL 3:10

Mandac Dios shamushpami puntaman shinallatac: —¡Samuel, Samuel!— nishpa cayarca. Shina cayacpimi Samuelca: —Canta servic ñucaca uyacunimi, rimailla— nirca.

1 SAMUEL 3:13

Paipac churicuna mana allita ruhuacpi, pai mana rimashcamantami paipac huasi ucupurataca huiñaita llaquichisha. Chaitaca paica yachanmi.

1 SAMUEL 3:16

Chashna cacpimi, Elí Samuelta cayashpaca: —Ñuca huahua Samuel-lla— nirca. Shina nicpimi Samuelca: —Caipimi cani— nirca.

1 SAMUEL 8:1

Samuelca ña yuyac cashpami israelcunapac juezcuna cachunca paipac churicunata churarca.

1 SAMUEL 8:20

Chashna cacpica, ñucanchicpish shuctac llactacuna shinami cashun. Ñucanchictaca jatun mandacmi mandanga. Paimi ñucanchic ñaupata rishpa, ñucanchicpac jatun macanacuitapish ruhuanga— nirca.

1 SAMUEL 8:3

Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.

1 SAMUEL 8:5

Chaipimi: —Riqui, canca ñami yuyac cangui, cambac churicunaca mana can shina mandacuncunachu. Chaimanta cunanca tucui llactacuna shinallatac ñucanchicpish juezta charingapac, jatun mandacta churaiyari— nirca.