1 SAMUEL 11:11 - Dios Rimashcata Quillcashcami

¹¹ Ña cayandi punzha manarac alli achicyacpimi Saulca paipac soldadocunata quimsapi chicanyachishpa amonitacunapac carpa huasi chaupiman yaicurca. Chashna yaicushpaca intihuan punzha cunurina horascamanmi macashpa chugrichishpa huañuchirca. Chaimantami mana huañuccunaca caita chaita callparcacuna, pipish ishcaipuraca mana saquirircachu.

1 SAMUEL 11:11 Iomraidhean Croise

GÉNESIS 22:14

Chaimantami Abrahamca chai urcutaca: «Mandac Diosca ima illashcata cunllami» nishpa shutichirca. Cunancamanmi chai urcutaca: «Mandac Diosca ima illashcata cunllami» nishpa cayancuna.

2 SAMUEL 18:2

Chai quipaca chai tucui gentecunamantami quimsapi chaupishca shuc parteta Joab mandachun, caishuc partetaca Sarviapac cari huahua Joabpac huauqui Abisai mandachun, cutin caishuc partetaca geteocupuramanta Itai mandachun churarca. Chai quipami paihuan cac gentecunataca: —Ñucallatacmi cancunahuanca macanacuiman risha— nirca.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

ÉXODO 14:24

Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

JUECES 4:16

Chashna callpacpimi, Baracca Haroset-goimcaman cati rishpa, Sisarapac carretacunatapish, macanacuc runacunatapish shucllatapish mana saquishpa tucui tucuchirca.

JUECES 7:16

Shina nishpami Gedeonca quimsa patsac runacunataca quimsapi raquishpa, tucui paicunaman cornetacunata, chushaclla puñu ucupi nina japichishcata charichirca.

JUECES 7:20

Chashnami quimsapi raquirishca runacunaca puñucunata paquishpa nina mechacunata lluqui maquihuan japishpa, alli maquihuanca cornetapi tocashpaca: —¡Mandac Diosmantapish, Gedeonmantapishmi macanacugrinchic!— nishpa caparircacuna.

JUECES 9:43

Abimelec chaita uyashpaca soldadocunata quimsapi chaupishpami pambacunapi pacalla chapachun churarca. Ña gentecuna Siquem pueblomanta llucshicpica, miticushcamanta llucshishpami macanacui callarirca.

1 SAMUEL 11:2

Shina nicpimi, amonitacunapuramanta Nahasca: —Ari, cancuna mañashcata ruhuashami. Shina cacpipish, tucui cancuna alli lado ñahuita surcushpa, israelcunata pingaichicpimi, chai ari nishcataca pactachisha— nirca.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.