1 SAMUEL 10:8 - Dios Rimashcata Quillcashcami

⁸ Chai quipaca Gilgal puebloman ñuca manarac chayacpimi, canrac chayangui. Ñucaca quipatami Diosman cushpa tucuita rupachinatapish, paihuan alli tucungapac cushpa huañuchinatapish, apashpa cambacman chayasha. Chaipica cambacman ñuca chayangacaman canchis punzhata shuyangui. Chaipimi can imata ruhuana cashcata yachachisha— nirca.

1 SAMUEL 10:8 Iomraidhean Croise

2 SAMUEL 19:16

Shinallatac Bahurim pueblopi causac Benjaminpac aillumanta Gerapac churi Simeipish jatun mandac Davidhuan tupangapacmi, Judá llacta gentecunahuan ringapac utca llucshirca.

LEVÍTICO 3:9

Mandac Dios-huan alli tucuna ofrendataca lomo tullu tucurinapi pitishpami chupatapish, chaipi tiyac huiratapish, chunzhulli tapashca huiratapish rupachina can.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

1 SAMUEL 13:4

Israelcunaca: «Saulca urcupi cuidacuc filisteo soldadocunahuanmi macanacushpa atishca. Chaimantami filisteocunaca israelcunata mana ricunayachicun» nictami uyarcacuna. Shina cashcamantami israelcunaca Saulta catingapac Gilgal pueblopi tandanacurca.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.