1 SAMUEL 10:2 - Dios Rimashcata Quillcashcami

² Cunan ñucapacmanta can rishpaca, Benjamín llacta Selsa pueblopimi Raquelta enterrashca ladopi ishcai runacunahuan tupangui. Paicunaca: “Can mashcacushca burrocunaca ñami taririshca. Cambac taitaca chingarishca burrocunamantaca mana llaquiricunchu. Ashtahuanpish cancunamanta llaquirishpami: ‘Ñuca churica mana uyarinchu. ¿Imatatac ruhuashayari?’ nicun” ninga.

1 SAMUEL 10:2 Iomraidhean Croise

GÉNESIS 35:16

Chai quipaca Bet-el llactamanta Efrata llactaman chayangapac asha tiyacpiracmi, Raqueltaca sajuarina nanai japirca. Shinami sinchi nanaihuan sajuarirca.

GÉNESIS 48:7

Cambac mama Raquelca ñuca Padan-aram llactamanta shamucucpimi, Efrataman chayana Canaanpi huañurca. Paitaca Efrataman rina ñanllapitacmi enterrarcani. Chai pushtuca Belenmi— nirca.

JEREMÍAS 31:15

Mandac Diosca: «Ramá llactapi llaquihuan caparishpa huacashcami uyarirca. Chaipica Raquelmi paipac huahuacuna huañushcamanta yallita huacacurca. Pipish mana cushichi pudircachu» ninmi.

JOSUÉ 18:28

Zela, Elef, Jerusalén nishca Jebús, Gabaa, Quiriatmi carca. Tucuica chunga chuscu pueblocunami, muyundi uchilla llactacunandi carca. Benjaminpac churicunaman paicuna mashna cashcata ricushpa cushca allpaca chaicunami carca.

1 SAMUEL 10:16

Shina nicpimi, Saulca paipac tiotaca: —Burrocunaca taririshca nishpami huillarca— nirca. Shina huillashpapish pai jatun mandac tucuna cashcata Samuel huillashcataca imata mana huillarcachu.