1 SAMUEL 10:18 - Dios Rimashcata Quillcashcami

¹⁸ Chashna tandachishpami israelcunataca: «Israelcunata Mandac Diosca: Ñucami israelcunataca Egipto gentecunapac maquimanta, shuctac jatun mandaccunapac maquimantapish cacharichishpa chai llactamantaca llucchimurcani.

1 SAMUEL 10:18 Iomraidhean Croise

ÉXODO 29:46

Chashna ruhuacpimi, israelcunaca ñuca paicunapac chaupipi causangapac Egiptomanta llucchimushcata yachanga. Ñucaca paicunata Mandac Diosmi cani.

NÚMEROS 10:9

Cancunapac allpapi causacushpa, cancunata piñaccunahuan macanacungapac llucshingapacca, macanacuiman llucshina tonota tocanguichic. Chashna ruhuacpimi, ñucaca cancunata yuyarishpa, piñaccunapac maquimanta quishpichisha.

JUECES 2:1

Mandac Diospac ángel Gilgal pueblomanta Boquim puebloman rishpami israelcunataca: «Ñucami Egipto llactamanta llucchishpa, cancunapac ñaupa taitacunaman cungapac ari nishca llactaman pushamurcani. Paicunamanmi ñucaca: “Ñuca cancunahuan ari nishcataca pactachishatacmi.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.