1 SAMUEL 10:11 - Dios Rimashcata Quillcashcami

¹¹ Dios ima nishcata huillaccunahuan cashna huillacpimi, puntaman paita ricsic gentecunaca caishuc chaishuc rimanacushpaca: —¿Cispac churi Saulca imatac tucurca? ¿Paipish Dios ima nishcata huillacchu tucushca?— ninacurca.

1 SAMUEL 10:11 Iomraidhean Croise

AMÓS 7:14

Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

SAN JUAN 7:15

Jesús shina yachachicpimi israelcunaca: —¿Ima shinatac cai runaca yachachicllapish mana rishpa, cai tucuita yachanlla?— nishpa mancharirca.

HECHOS 3:10

Chai runataca Sumac nishca pungupi imallatapish mañashpa tiyacuctami ricuc carcacuna. Chaimantami pai alliyashcata ricushpaca, yallita mancharircacuna.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

HECHOS 9:21

Chaita tucui uyaccuna mancharinacushpaca: —¿Manachu cai runaca Jesusta mañaccunata Jerusalenpi llaquichic carca? Cunanpish, curacunata mandac curacunapacman huatashpa apangapacmi, shamushca canga— ninacurca.

1 SAMUEL 19:24

Saulca paipac churanacunatapish llucchishpami, caishuc runacuna shinallatac Samuelpac ñaupapi Diosmanta huillacurcacuna. Paica tucui punzha, tucui tutami lluchulla carca. Shina tucushcamantami: «¿Saulpish, Diosmanta huillacpurallatacmi?» nincuna.