1 SAMUEL 1:23 - Dios Rimashcata Quillcashcami

²³ Shina nicpi, paipac cusa Elcanaca: —Canman ashtahuan alli canata ruhuailla. Shinashpaca cai huahuata chuchumanta raquingacaman saquirilla. ¡Mandac Dios pai ruhuasha nishcataca pactachishpami alli canman!— nirca. Shina nicpimi, Anaca huasipi saquirishpa paipac cari huahuataca chuchumanta raquiringacaman huiñachirca.

1 SAMUEL 1:23 Iomraidhean Croise

2 SAMUEL 7:25

Cunanca Mandac Dioslla, canta servic ñucamanpish, ñuca huasi ucupuramanpish imata ruhuasha nishcataca can munashca shina huiñaipac ruhuailla.

1 REYES 3:21

Tutamanta jatarishpa huahuata chuchuchigricpica, huañushcami cashca carca. Ña punzhayacpi ricucpica, mana ñuca huachashca huahuachu cashcarca— nirca.

SALMOS 22:9

Ashtahuanpish canmi mamapac huicsamanta llucchircangui. Canmi ñucataca chuchucucmanta pacha canpi shunguta churanata yachachircangui.

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

NÚMEROS 30:12

Ashtahuanpish paipac cusa ima punzha yachac chayashpa jarcacpica, pai ari nishcataca mana pactachishpa saquinallami can. Chai ari nishcata pactachinata cusa jarcashcamantaca ñucaca perdonashami.

SAN MATEO 24:19

¡Chai punzhacunapi huicsayuc huarmicunalla, chuchucuc huahuayuc huarmicunalla, imachari tucunguichic!

SAN LUCAS 11:27

Jesús chashna huillacucpiracmi, gentecunapac chaupimanta shuc huarmi caparishpaca: —¡Canta chuchuchishpa huiñachicca, yallita cushicuchun!— nirca.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

1 SAMUEL 14:36

Chai quipami Saulca: —Cunan tutallatac filisteocunahuan macanacungapac urai rishpa achicyangacaman paicunata huañuchishpa, paicunapac charishcata quichumushun— nirca. Shina nicpimi gentecunaca: —Imapish canman alli ricurina cacpica, chaita ruhuailla— nircacuna. Chashna nicpimi, shuc curaca: —Manarac macanacuiman rishpa Mandac Diosman cuchuyashunchic— nirca.

1 SAMUEL 14:40

Chaimantami Saulca israelcunataca: —Cancunaca shuc ladoman shayarichic. Ñucaca ñuca churi Jonatanhuan caishuc ladoman shayarishun— nirca. Shina nicpimi, gentecunaca Saultaca: —Canman ima alli cana cacpica chaita ruhuailla— nirca.