1 SAMUEL 1:11 - Dios Rimashcata Quillcashcami

¹¹ Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

1 SAMUEL 1:11 Iomraidhean Croise

GÉNESIS 28:20

Chaipimi Jacoboca: «Dioslla, can ñucahuan cashpaca, ñuca rina ñanpi micunatapish, churanatapish cushpa, alli pushangui.

GÉNESIS 29:32

Leaca huicsayuc tucushpami, shuc cari huahuata charirca. Chaimantami Leaca: «Mandac Diosca ñuca llaquilla cactami ricushca, chaimantami ñuca cusaca cuyanga» nishpami Rubenta shutichirca.

GÉNESIS 30:22

Shina cacpipish, Mandac Diosca Raqueltapish yuyarishpami, pai mañashcata uyarca. Chaimantami huahuacunata charichun saquirca.

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

PROVERBIOS 31:2

¡Ñuca huahualla! ¡Ñuca huicsamanta llucshishca huahualla! ¡Ñuca munashca huahualla!

ECLESIASTÉS 5:4

Diosca yuyai illac runahuanca mana cushicunchu. Chaimanta paiman imata ruhuasha nishcataca ama unaiyashpa utca pactachingui. Imata ruhuasha nishcataca pactachinami cangui.

LEVÍTICO 27:2

«Mandac Diosca israelcunataca: “Ñucata servingapac ari nishca runataca shuc runa mashna valic cashcata pagashpami cacharichina can.

NÚMEROS 21:2

Chaimantami israelcunaca Mandac Diostaca: «Chai llactapi causaccunata ñucanchic maquipi churacpica, tucui llactacunatami tucuchishun» nirca.

NÚMEROS 6:11

Chaipimi curaca shuctaca huañushcapi tuparishpa juchallishcata pichachun, cutin shuctaca Diosman cushpa tucui rupachinga. Chashna ruhuashpami paipac acchataca cutinllatac Diospaclla cachun huiñachi callaringa.

NÚMEROS 6:5

Ima punzhacaman nazareo tucushca pactangacamanmi acchata mana pitina can. Nazareo tucushpa, Diospaclla chicanyarishca punzhacuna pactangacamanmi jucha illac canga, shinallatac acchatapish huiñachun saquina can.

NÚMEROS 6:8

Nazareo tucushca tucui punzhacunami Diospaclla chicanyachishca cana can.

JUECES 11:30

Chaipimi Mandac Diosman cungapac Jefté ari nishpaca: «Can ciertotac cai amonitacunata ñuca maquipi churacpica,

JUECES 13:5

Cunanca huicsayuc tucushpami, huahuata charigringui. Chai huahuataca acchatapish ama pitinguichu. Chai huahuaca mamapac huicsamanta pachami nazareo canga. Paimi israelcunataca filisteocunapac maquimanta quishpichinga» nirca.

1 SAMUEL 1:10

Chaipimi Anaca tucui almahuan llaquirishpa yallita huacashpa Mandac Diosta mañarca.

1 SAMUEL 1:12

Mandac Diospac ñaupapi Ana ña unaita mañacucpimi, Elica paipac shimita ricucurca.

1 SAMUEL 1:19

Cayandica utca jatarishpami, Mandac Diosta alli nircacuna. Chai quipaca Ramá pueblopi cac paicunapac huasimanmi rirca. Elcanaca paipac huarmi Anapimi chayarirca. Chashna chayaricpimi, Mandac Diosca Ana mañashcata uyarca.

1 SAMUEL 1:22

Ashtahuanpish Anaca mana rishpami paipac cusataca: —Cai huahua chuchumanta raquingacaman mana rishachu. Ña raquirishca quipami cai huahuataca paipac huasipi servishpa causachun, Mandac Diosman cushpa paipac ñaupapi saquingapac risha— nirca.

1 SAMUEL 1:27

Cai huahuamantami mañacurcani. Mandac Diosca ñuca mañashcata curcami.

1 SAMUEL 1:28

Chaimantami cai huahuataca ñucapish Mandac Diosman cuni. Paica tucui causaipimi, Mandac Diospacta ruhuashpa causanga— nirca. Shina nishpami Mandac Diosta allimari cangui nirca.

1 SAMUEL 2:20

Shina shamucpimi Elcanatapish, paipac huarmitapish, Elica: «Mandac Diosta mañacpi carashca cai huahuapac randica Mandac Diosllatac canmanca ashtahuan huahuacunata cuchun» nishpami bendiciarca. Quipaca paicunapac huasiman cuticllami carcacuna.