1 SAMUEL 1:1 - Dios Rimashcata Quillcashcami

¹ Efraín urcupi cac Ramataim pueblopimi, zufitapuramanta Elcana runa causarca. Elcanaca Jerohampac churimi carca. Jerohamca Eliupac churimi carca. Eliuca Tohupac churimi carca. Tohuca Zufpac churimi carca. Zufca efrateopurami carca.

1 SAMUEL 1:1 Iomraidhean Croise

1 REYES 11:26

Shinallatac Sereda llactapi causacuc efrateopuramanta Natanpac churi Jeroboampish jatun mandac Salomonta llaquichi callarircami. Jeroboamca Salomonta servicmi carca. Paipac mamaca Zerúa viuda huarmimi carca.

1 CRÓNICAS 6:12

Ahitobca Sadoc churitami charirca. Sadocca Salum churitami charirca.

1 CRÓNICAS 6:22

Coatpac huahua huahuacunaca: Aminadab, Coré, Asir,

1 CRÓNICAS 6:33

Paicunapac churicunahuan cantashpa ayudaccunaca: Cohatpac huahua huahuapuramantaca Hemanmi carca. Hemanca Joelpac churi, Joelca Samuelpac churi,

1 CRÓNICAS 6:34

Samuelca Elcanapac churi, Elcanaca Jerohampac churi, Jerohamca Elielpac churi, Elielca Toapac churi,

SAN MATEO 27:57

Ña tutayamucucpica, Arimatea pueblomanta chayuc Josemi shamurca. Paipish Jesusta caticmi carca.

JOSUÉ 24:33

Shinallatac Aaronpac churi Eleazar curapish huañurcami. Paitaca paipac churi Fineespac allpa lomapimi enterrarca. Chai allpaca Efraín urcupimi carca.

JUECES 12:5

Chashnami Galaad gentecunaca Efraín aillucunapac Jordán yacu ladopi tiyac allpacunata japirca. Chashna japishpami Efraín aillumanta puchushca miticushpa saquiric gentecunaca: —Cai Jordán yacuta chimbaman pasachun saqui— nic carca. Shina nicpica: —¿Efrainpac aillumantachu cangui?— nic carca. Shina tapucpi mana nicpica,

JUECES 17:1

Efraín urcupimi shuc runa tiyarca. Paica Micaías shutimi carca.

JUECES 19:1

Chai huatacunapica Israel llactapica jatun mandacca mana tiyarcachu. Chai huatallapitacmi Leví aillumanta shuc runaca, Efraín urcu llactata rishpa, achcata caruyashpa pozac shina causacurca. Chai runami Judá llacta Belén pueblomanta caishuc huarmihuan causacurca.

JUECES 4:5

Deboraca paipac palma yura ucupimi tiyac carca. Chai yuraca Efrainpac urcupi cac Ramá, Bet-el pueblocuna tupanacuipimi carca. Chaimanmi israelcunaca imapish llaquita allichichun ric carcacuna.

RUT 1:2

Chai runaca Elimelecmi carca. Paipac huarmica Noemimi carca. Churicunaca Mahlón, Quelionmi carca. Paicunaca Judá llacta Belén pueblomanta efrateopurami carca. Moab llactaman chayashpaca chaipi causangapacmi saquirircacuna.

RUT 4:22

Obedpac churica Isaimi carca. Isaipac churica Davidmi carca.

1 SAMUEL 1:19

Cayandica utca jatarishpami, Mandac Diosta alli nircacuna. Chai quipaca Ramá pueblopi cac paicunapac huasimanmi rirca. Elcanaca paipac huarmi Anapimi chayarirca. Chashna chayaricpimi, Mandac Diosca Ana mañashcata uyarca.

1 SAMUEL 17:12

Davidca Judá llacta Belén pueblopi causac efrateopuramanta Isaipac churimi carca. Isaica pusac churicunatami charirca. Saúl mandacui punzhacunapica ña yallita yuyacmi carca.

1 SAMUEL 2:11

Chai quipami Elcanaca Ramá pueblopi tiyac paipac huasiman cutirca. Chai huambraca Elí curapac ñaupapimi Mandac Diospacta ruhuangapac saquirirca.

1 SAMUEL 7:17

Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.

1 SAMUEL 9:4

Shina nicpimi, Saulca Efraín urcuta rishpa Salisa llactacaman mashcashpa mana tarirca. Chai quipaca Saalim llactamanmi mashcangapac rirca. Chaipipish mana tarircachu. Shinallatac Benjamín aillupac llactaman rishpapish manallatac tarircachu.

1 SAMUEL 9:5

Zuf llactaman ña chayamushpami Saulca paihuan ric servic runataca: —Cutishunlla, ñuca taitaca burrocuna chingarishcata cungarishpami, ñucanchicmanta ashtahuan llaquicunga— nirca.