1 PEDRO 4:2 - Dios Rimashcata Quillcashcami

² Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

Nuevo Testamento en Quichua Cañar 1996

² Cai pachapi causashcacaman cai pacha jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

1 PEDRO 4:2 Iomraidhean Croise

SALMOS 143:10

Canca ñuca Diosmi cangui. Cambac munaita ruhuanata yachachiyari. Cambac alli Espirituca alli ñanta pushachun.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

SAN MATEO 12:50

Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 20:4

Paicunata ricushpaca: “Cancunapish ñuca chagrapi uvasta pallangapac richic. Mashnata pagana cashcataca pagashallami” nirca. Shina nicpica, paicunapish rircallami.

SAN MATEO 21:31

Cai ishcaimantaca, ¿maijantac taita mandashcataca ruhuarca?— nishpa tapurca. Chashna tapucpimi paicunaca: —Punta churiyari— nircacuna. Shina nicpimi Jesusca: —Chai shinallatacmi Dios mandacucmanca, impuestota japiccunarac, cullquimanta huainayac huarmicunarac yaicunga. Chaica chashnatacmi.

SAN MATEO 7:21

Mana tucui ‘Apunchic Jesús, Apunchic Jesús’ niccunachu jahua pacha Dios mandacucmanca yaicunga, ashtahuanpish jahua pacha cac ñuca Taita munashcata ruhuaccunallami yaicunga.

MARCOS 3:35

Maijanpish Dios munashcata ruhuacmi ñuca huauqui, ñuca pani, ñuca mamaca— nirca.

MARCOS 7:21

Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

SAN JUAN 1:13

Mana runacunapac munaimanta, mana cai pachapi huacharishcamantachu Diospac huahuacuna tucun, ashtahuanpish Diospac munaimantami paipac huahuacuna tucun.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 14:7

Maijanpish mana quiquinpacllachu causanchic. Huañushpapish, mana quiquinpacllachu huañunchic.

ROMANOS 6:11

Chai shinallatacmi cancunapish juchata ruhuangapacca, huañushca shina, cutin Diospacta ruhuangapacca Cristohuan pacta causacuc shina yuyana canguichic.

ROMANOS 6:2

¡Mana chashnachu cana can! Juchata ña mana ruhuangapacmi, huañushca shina canchic. ¿Maitatac juchata ruhuashpa catishunyari?

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

2 CORINTIOS 5:15

Cristoca cunan causaccuna ama paicuna quiquinpaclla causachun, ashtahuanpish paipaclla causachunmi tucuimanta huañurca. Chashnaca tucuipac allipacmi huañushpa causarirca.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

EFESIOS 6:6

Imata ruhuashpapish, ama paicunapi ricuringaraiculla, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, ruhuaichic.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Diosca pacashpa charicun.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi Diosca munan.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 PEDRO 1:14

Alli cazuc huahuacuna shina, Diosta manarac ricsic cashpa, jucha munashca shina causanataca ama munaichicchu.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

1 JUAN 2:17

Cai pachaca tucui ima tiyashca millai munaicunandimi chingaringa, ashtahuanpish Dios munashcata ruhuacca huiñaitami causanga.