1 JUAN 4:6 - Dios Rimashcata Quillcashcami

⁶ Ashtahuanpish ñucanchicca Diospacmi canchic. Diosta ricsiccunaca uyanmi. Mana Diospac caccunaca mana uyashun nincunachu. Shina cacpimi cashcata nic Diospac Espirituta charishcata, mana cashpaca llulla espirituta charishcata yachanguichic.

Nuevo Testamento en Quichua Cañar 1996

⁶ Ashtahuanpish ñucanchicca Diospacmi canchic. Chaimantami ñucanchic rimacpica, Diosta ricsiccunaca uyan. Shina cacpipish mana Diospac caccunaca mana uyashun nincunachu. Shina cacpimi maijanlla cashcata nic Diospac Espirituta charishcata, mana cashpaca llulla espirituta charishcatapish yachanguichic.

1 JUAN 4:6 Iomraidhean Croise

2 CRÓNICAS 18:21

Shina nicpimi, chai espirituca: “Ñuca rishpaca paipac tucui huillaccunapimi, llullashpa huillana yuyaita churasha” nirca. Shina nicpimi, Mandac Diosca: “Canca umai pudinguimi. Can nishca shinata ruhuangapac rilla” nirca.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

MIQUEAS 3:8

Ashtahuanpish ñucaca Jacobopac huahuacuna mana cazushcata, israelcuna juchallishcata huillangapacmi Mandac Diospac Espirituhuan, poderhuan cani. Paica cashcata ruhuacmi.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

SAN JUAN 10:3

Chai michic chayacpica, corral punguta cuidacca punguta pascanmi. Ovejacunaca Michic rimashcata uyanmi. Paica ovejacunataca shutipi cayashpami, corralmanta llucchin.

SAN JUAN 13:20

Maijanpish ñuca cachashcata chasquicca, ñucatami chasquin. Ñucata chasquicca, ñucata Cachactami chasquin. Chaica chashnatacmi can— nirca.

SAN JUAN 14:17

Paica cashcata nic Espiritumi. Paitaca cai pacha runacunaca mana ricunchu, mana ricsinchu. Chaimantami mana chasqui pudin. Shina cacpipish, cancunaca ricsinguichicmi.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

SAN JUAN 16:13

Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 20:21

Cutinllatac Jesusca: —Cushicuichic, ama manchaichicchu. Ima shinami ñuca Taita ñucata cacharca, chashnallatacmi cancunataca ñucaca cachani— nirca.

SAN JUAN 8:19

Shina nicpimi paicunaca: —¿Maipitac cambac taitaca?— nirca. Chaimantami Jesusca: —Cancunaca ñucatapish, ñuca Taitatapish mana ricsinguichicchu. Ñucata ricsishpaca, ñuca Taitatapish ricsinguichicmanmi— nirca.

SAN JUAN 8:23

Shina nicpimi Jesusca: —Cancunaca caimantami canguichic. Ñucaca jahua pachamantami cani. Cancunaca cai pachamantami canguichic. Ñucaca mana cai pachamantachu cani.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

ROMANOS 11:8

Dios quillcachishcapica: «Diosmi paicunataca sinchi shunguta ruhuarca. Cunan punzhacamanmi ñahui mana ricuccunata, ringri mana uyaccunata ruhuashca» ninmi.

1 CORINTIOS 14:37

Maijanpish “Dios ima nishcata huillacmi cani” nicca, mana cashpaca “Diospac Espirituhuanmi cani” nicca, cai ñuca quillcashcaca Apunchic Jesús mandashca cashcata yachachun.

2 CORINTIOS 10:7

Cancunaca jahualla ima shina cashcatami ricunguichic. Maijanpish “Cristopacmi cani” nishpa paillata niricushpaca, ñucanchictapish Cristopac cashcatami yuyana can.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

1 TIMOTEO 4:1

Quipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcata catishpa,

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

1 JUAN 4:8

Diosca cuyacmi. Maijanpish mana cuyacca, Diosta mana ricsinchu.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

SAN JUDAS 1:17

Shina cacpipish cuyashca criccuna, ñucanchic Apunchic Jesús acllashca huillaccuna ñaupaman ima nishcacunataca, alli yuyarichic.