1 JUAN 4:1 - Dios Rimashcata Quillcashcami

¹ Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

Nuevo Testamento en Quichua Cañar 1996

¹ C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

1 JUAN 4:1 Iomraidhean Croise

1 REYES 13:18

Shina nicpimi, caishuc runaca: —Ñucapish can shinallatac Dios ima nishcata huillacmi cani. Mandac Dios cachashca shuc ángel shamushpami ñucataca: “Tandata micuchun, yacutapish ubiachun, cambac huasiman pushamugri” nishpa cacharca— nirca. Cai rimaicunataca llullashpami nirca.

PROVERBIOS 14:15

Ashalla yuyaita charic runaca imatapish crinllami. Ashtahuanpish alli yuyaiyuc runaca imata ruhuangapacpish allita yuyarinracmi.

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

MARCOS 13:21

Maijanpish: “¡Riquichic, Cristoca caipimi, chaipimi!” nicucpipish ama cringuichicchu.

SAN LUCAS 12:57

¿Ima nishpatac cancunallatac cashcata ruhuanaca alli cashcataca, mana yuyaringuichic?

SAN LUCAS 21:8

Shina tapucpimi Jesusca: —Achcacunami ñuca shutipi shamushpa: “Ñucami Cristoca cani” ningacuna. Maijanca: “Cunanmi pai cutimuna punzhaca chayamun” ningami. Pacta paicunata pacta catinguichicman, ashtahuanpish alli yuyaihuan puringuichic.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

HECHOS 20:29

Ñuca rishca quipaca shuccuna shamushpami, ovejacunata manchachishpa, caita chaita cachac shina, criccunata chingachinga.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 14:29

Shinallatac Dios ima nishcata huillaccuna tiyashpaca, ishcai cashpa, quimsa cashpa huillachun. Shuccunaca chai huillashca alli cashcata, mana alli cashcata huillachun.

1 TESALONICENSES 5:20

Dios ima nishcata huillactaca chasquinami canguichic.

1 TESALONICENSES 5:21

Tucuita allita ricushpa, allitaca huacaichishpa causaichic.

2 TESALONICENSES 2:2

ama imatapish cringuichicchu ninchicmi. Ñucanchic quillcashcalayata ricushpapish, pi mana yachashcata rimacta uyashpapish, huillaccuna huillashcata uyashpapish, pacta jahualla mancharishpa, pandaringuichicman ninchicmi.

1 TIMOTEO 4:1

Quipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcata catishpa,

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhanta ashtahuan ashtahuan mana allipi catishpami ashtahuan pandachishpa, paicunapish pandaringacuna.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

1 JUAN 2:18

Cuyashca huahuacuna, tucuri punzhacunaca ñami chayamushca. Llullashpa huillac, Cristota piñac runa shamungami nishcataca uyashcanguichicmi. Chai shinallatac Cristota piñaccuna ña taucacuna ricurimucpimi tucuri punzhacuna ña chayamushcataca yachanchic.

1 JUAN 2:7

Cuyashca huauquicuna, mana mushuc mandashcatachu quillcani, ashtahuanpish ñaupaman cancuna chasquishca mandashcallatatacmi quillcani. Cai mandashcatami ña uyashpa chasquircanguichic.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota piñaccunami.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.

APOCALIPSIS 2:2

Ñucaca can imata ruhuacushcata, can mana shaicushpa trabajacushcata, mana piñarishpa caticushcata, millaicunata mana ricunayachishcata, shinallatac Jesusmanta huillaccunami canchic nishpa llullashpa puriccunata taripashcatapish yachanimi.