1 JUAN 3:8 - Dios Rimashcata Quillcashcami

⁸ Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

Nuevo Testamento en Quichua Cañar 1996

⁸ Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

1 JUAN 3:8 Iomraidhean Croise

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

NÚMEROS 21:9

Shina nicpimi, Moisesca broncemanta culebralayata ruhuashpa bandera huarcuna caspipi churarca. Maijanpish culebra canicpica, chai culebratami ricuc carca. Shina ricushpaca, mana huañucchu carca.

SAN MATEO 12:28

Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.

SAN MATEO 13:38

Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami.

SAN MATEO 4:3

Chashna cacpimi, diablo Jesuspacman cuchuyashpaca: —Can Diospac Churi cashpaca, cai rumicunata tanda tucuchun ni— nirca.

MARCOS 1:24

—Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN JUAN 12:31

Cunanmi cai pachapi causaccunaca taripashca canga. Cunanmi cai pachata mandactapish llucchishpa shitashca canga.

SAN JUAN 16:11

Cai pachata mandacta Dios ña juchanchishca cashcamantami, imami taripana cashcataca ricuchinga.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

1 JUAN 1:2

Causaita cuctaca Dios cachacpimi ricurcanchic. Chaita ricushpami paimanta cancunaman parlanchic, shinallatac huiñai causaita cuc cashcata huillanchic. Paica Dios-huanmi carca. Chaimanta shamushpami, ñucanchicman ricurirca.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.