1 JUAN 3:22 - Dios Rimashcata Quillcashcami

²² Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

Nuevo Testamento en Quichua Cañar 1996

²² Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

1 JUAN 3:22 Iomraidhean Croise

JOB 22:26

Tucuita ruhuac Dios-huanmi cushicungui. Cambac ñahuihuanmi Diosta huichailla ricungui.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 34:4

Ñuca Mandac Diosta mashcacpica, paica uyarcami. Ñuca manchaihuan cacpica, paica quishpichircami.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

PROVERBIOS 15:29

Mandac Diosca paita mana manchaccunamanta carupimi. Ashtahuanpish cashcata ruhuaccuna mañacpica uyanmi.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

MARCOS 11:24

Chaimantami ñucaca nini: Cancuna crishpa, imata mañacushcata japina yuyaihuan Diosta mañashpaca japinguichicmi.

SAN JUAN 14:13

Ñucapac shutipi imatapish mañacpica, ñuca Taita jatunyachishca cachunmi cusha.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 15:7

Ñucahuan shuc shina cashpa, yachachishcacunatapish cazushpaca mañaichiclla. Tucui mañashcatami Taitaca cunga.

SAN JUAN 6:29

Shina nicpimi Jesusca: —Pai munashcata ruhuanaca, pai cachashca churita crinami— nirca.

SAN JUAN 8:29

Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

1 JUAN 2:3

Diospac mandashcacunata pactachishpaca, paita ricsishcatami yachanchic.

1 JUAN 5:14

Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.