1 JUAN 3:17 - Dios Rimashcata Quillcashcami

¹⁷ Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?

Nuevo Testamento en Quichua Cañar 1996

¹⁷ Shina cacpica cai pachapi imalla tiyashcacunata charishpapish, shuc cric ima illaclla cashcata ricushpa mana llaquicca, ¿ima shinatac Diospac c'uyaitaca paipac shungupica charingayari?

1 JUAN 3:17 Iomraidhean Croise

PROVERBIOS 12:10

Cashcata ruhuacca paipac animalcunatapish mana yarcaipi charinchu. Ashtahuanpish Diosta mana manchacca mana llaquinchu.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 21:13

Huaccha runa caparishpa mañacpi, mana uyac runataca quipata pai caparicpipish mana uyangachu.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

SAN LUCAS 3:11

Chashna nicpimi Juanca: —Ishcai churanata charicca, shucta mana charicman cuchun. Micunata charicpish chai shinallatac mana charicman cuchun— nirca.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

HEBREOS 13:16

Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

SANTIAGO 2:15

Cric pani cashpa, cric huauqui cashpa, churana illac, micuna illac causacungachari.

SANTIAGO 2:16

Chaita ricushpapish, maijan cancunapuramanta ima illashcata mana cushpa: «Allilla ringui, alli churaringui, alli micungui» nishpaca, ¿ima allitac cangayari?

1 JUAN 4:20

Maijanpish «Diosta cuyanimi» nishpapish, shuc huauquita piñacca llullami can. Ñahuihuan ricushca huauquita mana cuyashpaca, ¿ima shinatac mana ricushca Diostaca cuyangayari?

1 JUAN 5:1

Maijanpish Jesusta “Quishpichic Cristomi” nicca Diospac huahuami. Maijanpish Taitata cuyacca paipac huahuacunatapish cuyanmi.