1 JUAN 2:5 - Dios Rimashcata Quillcashcami

⁵ Shina cacpipish Dios rimashca shimita maijanpish cazucca, Dios cuyac shinallatacmi mai cuyac cashcata ricuchin. Chashna cashpami paihuan shuclla cashcata yachanchic.

Nuevo Testamento en Quichua Cañar 1996

⁵ Shina cacpipish Taita Dios rimashca shimita maijanpish cazucca, Dios c'uyac shinallatacmi mai c'uyac cashcata ricuchin. Chashna cashpami paihuan shuc shinalla cashcata yachanchic.

1 JUAN 2:5 Iomraidhean Croise

SALMOS 105:45

Chaica quillcashpa mandashcacunatapish, pai rimashcacunatapish pactachichunmi chashnaca curca. ¡Mandac Diosta alabaichicyari!

SALMOS 106:3

Maijanpish cashcata ruhuashpa, allita ruhuashpa causacca yallita cushicuchun.

SALMOS 119:146

Cantami caparishpa mañani. Chaimanta quishpichiyari. Ima shina causanata can yachachishcata pactachishami.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

SALMOS 119:4

Dioslla, canmi tucui mandashcacunata pactachichun mandarcangui.

PROVERBIOS 28:7

Mandashcata pactachicca alli yuyaiyuc churimi. Ashtahuanpish micushpalla causac runahuan tandanacuc churica taitapac pingaimi.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

ECLESIASTÉS 8:5

Mandashcata cazuc runaca mana ima tucungachu. Yuyaisapa runapac shunguca Dios ima horas, ima shina ruhuanata yachanmi.

EZEQUIEL 36:27

Cancunaman ñuca Espirituta cucpimi, ñuca mandashcacunatapish, pactachinacunatapish pactachishpa causanguichic.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SAN JUAN 15:5

Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

SAN JUAN 6:56

Maijanpish ñuca aichata micucca, ñuca yahuarta ubiacca, ñucahuanmi causan. Ñucapish paihuanmi causani.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

SANTIAGO 2:22

Chashnami crishcaca imatapish allita ruhuashcahuan pacta can. Pai crishpa allita ruhuacpimi, ashtahuan alli cashcata ricunchic.

1 JUAN 3:24

Pai mandashcata pactachiccunaca paicunapish Dios-huan, Diospish paicunahuanmi shuclla causancuna. Shina cacpimi pai ñucanchic-huan cashcataca, pai cushca Espiritullatac yuyaita cucpi yachanchic.

1 JUAN 4:17

Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios cuyashca shina cuyanacushpaca, Dios taripai punzhapica mana manchashpa ricurishun.

1 JUAN 4:18

Manchaica llaquichina cashcamantami shamun. Chaimanta maijanpish manchacca Diospac cuyaitaca manarac tucui charinchu. Maijanpish Diospac cuyaita charicca mana manchanchu, ashtahuanpish Diospac cuyaimi chai manchaitaca anchuchin.

1 JUAN 5:2

Diosta cuyashpa paipac mandashcacunatapish pactachishpaca, paipac huahuacunatapish cuyashcatami yachanchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

2 JUAN 1:6

Cuyanacushpa causanaca, Dios mandashcacunata pactachinami. Chashna cuyanacushpa causanami nishpa mandashcataca, callarimanta pachami cancunaca ña uyashcanguichic.

APOCALIPSIS 12:17

Chashna tucucpimi dragonca chai huarmihuan yallita piñarishpa, huarmipac huahua huahuacunahuan macanacungapac rirca. Chaicunaca Dios mandashcacunata pactachiccuna, shinallatac Jesusmanta huillashcata uyashpa alli caticcunami can. Chai dragonca mama cucha yacu patapimi shayarirca.

APOCALIPSIS 14:12

Chaimantami Diospaclla caccunaca Dios mandashcacunata cazushpa, mana shaicushpa Jesusta alli caticcuna cashcata ricuchingacuna.