1 JUAN 2:17 - Dios Rimashcata Quillcashcami

¹⁷ Cai pachaca tucui ima tiyashca millai munaicunandimi chingaringa, ashtahuanpish Dios munashcata ruhuacca huiñaitami causanga.

Nuevo Testamento en Quichua Cañar 1996

¹⁷ Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.

1 JUAN 2:17 Iomraidhean Croise

SALMOS 102:26

Tucui chaicunaca tucuringami. Ashtahuanpish canca causacunguillami. Tucui chaicunaca churana shinami maucayanga. Mushuc churanata shinami cambiangui.

SALMOS 143:10

Canca ñuca Diosmi cangui. Cambac munaita ruhuanata yachachiyari. Cambac alli Espirituca alli ñanta pushachun.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 90:9

Can piñaricpica, ñucanchic causaica utcami tucurin. Ñucanchic causana huatacunaca samaita aisashpa, cacharic shinami chingarin.

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

SAN MATEO 21:31

Cai ishcaimantaca, ¿maijantac taita mandashcataca ruhuarca?— nishpa tapurca. Chashna tapucpimi paicunaca: —Punta churiyari— nircacuna. Shina nicpimi Jesusca: —Chai shinallatacmi Dios mandacucmanca, impuestota japiccunarac, cullquimanta huainayac huarmicunarac yaicunga. Chaica chashnatacmi.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN MATEO 7:21

Mana tucui ‘Apunchic Jesús, Apunchic Jesús’ niccunachu jahua pacha Dios mandacucmanca yaicunga, ashtahuanpish jahua pacha cac ñuca Taita munashcata ruhuaccunallami yaicunga.

MARCOS 3:35

Maijanpish Dios munashcata ruhuacmi ñuca huauqui, ñuca pani, ñuca mamaca— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 6:58

Caimi jahua pachamanta shamushca tandaca. Cai tandaca mana cancunapac ñaupa taitacuna micushca maná tanda shinachu. Paicunaca chai tandata micushpapish huañurcami. Maijanpish cai tandata micucca, huiñai causaitami charinga— nirca.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

1 CORINTIOS 7:31

Cai pachapi ima tiyashcahuan cushicuccunaca ama cushicuchun. Cai pachapi ima tiyashcacunaca chingaringallami.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

1 TESALONICENSES 4:3

Diosca jucha illac causachunmi munan. Ama huainayachun,

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi Diosca munan.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.