1 JUAN 2:13 - Dios Rimashcata Quillcashcami

¹³ Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Quipa huiñaicuna, diablota mishashcamantami cancunamanca quillcani.

Nuevo Testamento en Quichua Cañar 1996

¹³ Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Q'uipa huiñaicuna, diablota mishashcamantami cancunamanpish quillcani.

1 JUAN 2:13 Iomraidhean Croise

SALMOS 148:12

mosocunapish, solteracunapish, yuyaccunapish, tucui huahuacunahuan tandanacushpa alabaichicyari.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

PROVERBIOS 20:29

Mosocunapac sumaimanaca paicuna sinchi cashcami can. Yuyaccunapac sumac canaca yurac accha canami can.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN MATEO 13:19

Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla.

SAN MATEO 13:38

Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami.

SAN MATEO 5:37

Imatapish ari nina cacpica, ari nichic. Mana nina cacpica, mana nichic. Manapish cashcata nina yuyaicunaca, diablomantami shamun.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN JUAN 14:7

Cancuna ñucata ricsishpaca, ñuca Taitatapish ricsinguichicmanmi. Cunanmanta pachami Taitataca ricsinguichic, ricunguichic— nirca.

SAN JUAN 14:9

Shina nicpimi Jesusca: —Ña unaitami cancunahuan cani. Felipe, ¿chashna cashca jahuachu ñucata mana ricsingui? Maijanpish ñucata ricucca ñuca Taitatapish ricunmi. ¿Ima nishpatac canca: “Taitata ricuchi” ningui?

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 8:19

Shina nicpimi paicunaca: —¿Maipitac cambac taitaca?— nirca. Chaimantami Jesusca: —Cancunaca ñucatapish, ñuca Taitatapish mana ricsinguichicchu. Ñucata ricsishpaca, ñuca Taitatapish ricsinguichicmanmi— nirca.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

TITO 2:6

Shinallatac mosocunatapish alli yuyaihuan purichun yachachingui.

1 JUAN 1:1

Dios cai pachata manarac ruhuacpi, ña tiyashcataca, ñucanchicmi uyarcanchic, shinallatac ñucanchic quiquin ñahuihuantacmi ricurcanchic. Shina ricushpa ñucanchic maquihuantac tuparishpami, chai Rimashca Shimica causaita cuc cashcata yachanchic.

1 JUAN 2:1

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.

1 JUAN 2:12

Cuyashca huahuacuna, cancunapac juchacunataca Jesucristomanta Dios ña perdonashca cashcamantami, cancunamanca quillcani.

1 JUAN 2:14

Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Quipa huiñaicuna, cancuna sinchi cashcamanta Dios rimashca shimita chasquishpa shungupi huacaichishcamanta, shinallatac diablota mishashcamantami, cancunamanca quillcani. Huahuacuna, Diosta ricsishcamantami cancunamanca quillcani.

1 JUAN 3:12

Ama Caín shina cashunchic. Paica diablopac cashpami, paipac huauquitaca huañuchirca. ¿Imamantatac huañuchirca? Pai ruhuashcacuna mana alli cacpi, cutin paipac huauquipac ruhuashcacunaca alli cacpimi chashnaca ruhuarca.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.