1 JUAN 1:6 - Dios Rimashcata Quillcashcami

⁶ Paihuanca shucllami canchic nishpapish, amsallapitac causacushpaca, llullanchicmi, shinallatac pai nishcataca mana ruhuanchicchu.

Nuevo Testamento en Quichua Cañar 1996

⁶ “Paihuan shuc shinallami canchic” nishpapish, amsapi shina mana allita ruhuashpa causacushpaca, pai nishcataca llullapimi churanchic, shinallatac pai munashcataca mana ruhuanchicchu.

1 JUAN 1:6 Iomraidhean Croise

SALMOS 82:5

Paicunaca imatapish mana yachanchu, imatapish mana entendinchu. Amsa purapimi purincuna. ¡Allpapish tucuimi cuyuricun!

SALMOS 94:20

¿Millaita ruhuangapac tandanacushpa yuyarinacuc millai jatun mandaccunahuan tandanacunguichu?

PROVERBIOS 2:13

Chai runacunaca amsa ñanta puringapacmi alli ñancunataca saquincuna.

SAN MATEO 7:22

Taripana punzhapica taucacunami: “Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, milagrocunatapish ruhuarcanchic” ningacuna.

SAN JUAN 11:10

Maijanpish tuta purishpaca, luzta mana charishcamantami mitcarin— nirca.

SAN JUAN 12:35

Chaimantami Jesusca: —Asha punzhacamanllami Achicyachicca cancunahuan canga. Achicyachic cancunahuan cashcacamanca, achicpi purichic. Amsapi puricca maiman ricushcatapish mana yachanchu.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

SAN JUAN 8:55

Cancunaca paitaca mana ricsinguichicchu. Ñucaca ricsinimi. Ñuca “mana ricsinichu” nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

1 TIMOTEO 4:2

mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.

SANTIAGO 2:14

Ñuca cuyashca criccuna, cricmi cani nishpapish, imapish allicunata mana ruhuashpaca, ¿ima allitac cangayari? Cricmi cani nishpallaca, ¿paica quishpiringachu?

SANTIAGO 2:16

Chaita ricushpapish, maijan cancunapuramanta ima illashcata mana cushpa: «Allilla ringui, alli churaringui, alli micungui» nishpaca, ¿ima allitac cangayari?

SANTIAGO 2:18

Ashtahuanpish maijanca: «Canca cricmi cangui, cutin ñucaca allicunata ruhuacmi cani» ningachari. Chashna nictaca: «Ima allita mana ruhuashpa, can crishcata ricuchiyari, cutin ñucaca imatapish allita ruhuashpa, cric cashcataca ricuchisha» ninimi.

1 JUAN 1:10

Ima juchata mana charinchicchu nishpaca, Diostamari llullac cashcata ruhuanchic, shinallatac pai rimashca shimipish ñucanchic shungupi mana causanchu.

1 JUAN 1:3

Ima shinami Dios-huan, paipac Churi Jesucristohuan shuclla canchic, chai shinallatac ñucanchic-huan shuclla cachunmi uyashcatapish, ricushcatapish cancunaman huillanchic.

1 JUAN 1:8

Ima juchata mana charinchicchu nishpaca, ñucanchicllatacmi pandaricunchic. Shina cacpimi ñucanchic shungupica cashcata ruhuashpa causana yuyaica mana tiyan.

1 JUAN 2:4

Maijanpish «ñucaca paita ricsinimi» nishpapish, Dios mandashcacunata mana pactachishpaca llullami can. Shina cacpimi paipac shungupica imatapish cashcata ruhuashpa causana yuyaica mana tiyan.

1 JUAN 4:20

Maijanpish «Diosta cuyanimi» nishpapish, shuc huauquita piñacca llullami can. Ñahuihuan ricushca huauquita mana cuyashpaca, ¿ima shinatac mana ricushca Diostaca cuyangayari?