1 CORINTIOS 8:3 - Dios Rimashcata Quillcashcami

³ Ashtahuanpish Diosta maijanpish cuyacca, Diospac ricsishcami can.

Nuevo Testamento en Quichua Cañar 1996

³ Ashtahuanpish Taita Diosta maijanpish c'uyacca, Taita Diospac ricsishcami can.

1 CORINTIOS 8:3 Iomraidhean Croise

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 17:3

Canca ñuca shungutaca tucuitami ricushcangui. Tutapish ricungapac shamushcanguimi. Ñuca alli cacta, mana alli cacta taripashpapish, ima mana allitaca mana tarishcanguichu. Ñuca shimihuan cambac contra mana rimangapacmi yuyarircani.

ÉXODO 33:12

Moisesca Mandac Diostaca: —Riqui, canca ñucataca: “Israelcunata pushai” ninguimi. Shina cacpipish, ñucahuan pi rina cashcataca manamari huillanguica. Chashnallatac: “Ñucami cambac alli ricsishca cani. Canca, ñuca ñahuipica allimi ricurishcangui” nircanguimi.

ÉXODO 33:17

Shina nicpimi, Mandac Diosca Moisestaca: —Ñucami cambac alli ricsishca cani. Ñuca ñahuipica allimi ricurishcangui. Ñuca nishcatapish canmanca ricuchishami— nirca.

JEREMÍAS 1:5

«Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

SAN MATEO 7:23

Chashna cacpica ñucaca: “Cancunataca mana ricsinichu. Anchurichic, millaita ruhuaccuna” nishami.

SAN JUAN 10:14

Ñucami alli michicca cani. Ima shinami ñuca Taita ñucata ricsin, shinallatacmi Taitataca ricsini. Chashnallatacmi ñuca ovejacunapish ñucata ricsin. Ñuca ovejacunamantaca huañuna cacpipish huañushallami.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

ROMANOS 11:2

Ñaupamanta pachami Diosca israelcunataca acllarca. Ashtahuanpish mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica, israelcunata juchanchishpa, Diosta mañacushpaca:

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

1 CORINTIOS 2:9

Ashtahuanpish Dios quillcachishcapica: «Imapish mana ricushcata, mana uyashcata shinallatac jaicapi mana yuyashcatami, paita cuyaccunamanca Diosca cusha nicun» ninmi.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

1 JUAN 4:19

Diosrac cuyashcamantami ñucanchicpish paitaca cuyanchic.

1 JUAN 4:7

Cuyashca criccuna, Dios cuyaita cushcamanta caishuc chaishuc-huan cuyanacushunchic. Maijanpish cuyacca Diospac huahuami, shinallatac Diostapish ricsinmi.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

APOCALIPSIS 2:19

Ñucaca can imata ruhuacushcata, cuyacushcata, crishpa caticushcata, servicushcata, shinallatac callaripi ruhuacushcata atishpa cunan ashtahuan allita ruhuacushcatapish yachanimi.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.