1 CORINTIOS 7:2 - Dios Rimashcata Quillcashcami

² Shina cacpipish, huainayana yalli tiyashcamantaca, caripish quiquin huarmita, huarmipish quiquin cusata charinami can.

Nuevo Testamento en Quichua Cañar 1996

² Chashna cacpipish huacllirina munai tiyashcamantaca, c'aripish quiquin huarmillata, huarmipish quiquin cusallata charichun ninimi.

1 CORINTIOS 7:2 Iomraidhean Croise

PROVERBIOS 18:22

Maijanpish huarmita taricca allitami tarin. Mandac Dios cuyashpa cushcatami chasquin.

PROVERBIOS 19:14

Taitamantaca huasita, shinallatac pai ima charishcacunatami chasquingui. Ashtahuanpish Mandac Diosmantaca alli yuyaiyuc huarmitami chasquingui.

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

SAN MATEO 5:32

Ashtahuanpish ñucaca cashnami nini: Maijan caripish paipac huarmi manapish shuc-huan cacta yachashpa raquiricpica, chai huarmica paimantami shuc-huan huainayanacushpa juchallin. Shinallatac maijanpish chai raquirishca huarmihuan cazarashpaca, juchallinmi.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

1 CORINTIOS 7:1

Cunanca cancuna quillcashpa, tapushcatami huillagrini. Mana cazarashpa causanaca allimi canman.

1 CORINTIOS 7:3

Cusapish quiquin huarmipi chayarinami can, huarmipish quiquin cusa chayarichun saquinami can.

1 CORINTIOS 7:9

Shina cacpipish, mana jarcari pudishpaca cazarachunlla. Chai munailla purinapac randica, cazaranami ashtahuan alli.

EFESIOS 5:28

Cusacunaca, ima shinami quiquinllatac cuyaringuichic, chai shinallatac cancunapac huarmicunatapish cuyaichic. Maijanpish quiquin huarmita cuyacca quiquinllatacmi cuyarin.

EFESIOS 5:33

Shina cacpica quiquinllatac cuyaric shina, cancunapac huarmicunata cuyaichic. Shinallatac huarmicunapish, cancunapac cusacunata alli nishpa cazuichic.

1 TESALONICENSES 4:4

tucui mashna quiquin huarmillahuan causashpa, mapa illac cachun,

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Diosca cashcata yachac criccunamanca paita pagui nishpa micuchunmi, chaicunataca ruhuarca.

JUECES 21:22

Cutin solteracunapac taitacuna, mana cashpaca turicuna ñucanchicta imatapish nic shamucpica: “Ñucanchicca macanacushpapish mana tucui paicunaman solteracunataca tarircanchicchu. Cai ushicunataca mana cancunapac maquihuanchu cushcanguichic. Chaimanta mana juchayucchu tucunguichic. Cai solteracunata paicunaman cazarachun cuichicllayari” nishunllami» nirca.