1 CORINTIOS 10:3 - Dios Rimashcata Quillcashcami

³ Tucui paicunami Dios cushca micunata micurcacuna.

Nuevo Testamento en Quichua Cañar 1996

³ Shinallatac tucui paicunami Dios cushca micunata micurcacuna.

1 CORINTIOS 10:3 Iomraidhean Croise

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

NEHEMÍAS 9:20

Cambac sumac Espirituhuanmi paicunata yachachircangui. Maná nishca micunapish mana illarcachu. Yacunayaihuan cacpipish, yacuta curcanguimi.

SALMOS 105:40

Paicuna mañacpica codorniz animalcunatami cacharca. Shinallatac jahua pachata tandatami mana nicta cararca.

ÉXODO 16:15

Israelcuna chaita ricushpa, caishuc chaishuc tapunacushpaca: —¿Imatac caica?— nircacuna. Paicunaca mana yachashcamantami chashna tapunacurca. Chaimantami Moisesca: —Caica, cancuna micuchun, Mandac Dios cushca micunami.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

ÉXODO 16:4

Shina nicpimi, Mandac Diosca Moisestaca: —Israelcuna ñuca mandashcata cazushcata, mana cazushcata ricungapacca, jahua pachamantami tandata tamyachigrini. Paicunaca punzhantami micuna pactallata pallana can.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.