Mateo 4:23 - Porciones en Zapoteco de las Delicias

²³ Jesús rde' gdu yëdz Galilea, rseed'de gap nak yu'u useed. Rgixhjë'e diidza kub dxia'a ki yëla rnabe' kie' Dios len ru'uune bunach ki zian baya' len yëla rtzaag.

Zapotec Isthmus

²³ Uzá Jesús irá guidxi sti Galilea, bisiidi ndaani ca yu'du sti ca judíu, ne byui' né laacabe ximodo runi mandar Dios ca xpinni. Ne irá ra uyé be bisianda be irá enda huará ne irá yuuba sti ca binni que.

Mateo 4:23 Iomraidhean Croise

Mateo 11:5

Gulkixhji'de ki bënni lau'chul chi tale'i'de, bënni'a ti rak laza'ke chi taza'ke, bënni te'i'de baya' nuudzu chi tu'ueake, bënni këëdzu chi tayëën'de, bënni nat tubaane lu yëla gut, len bënni yechi tagixhji'de leke diidza kub dxia'a.

Mateo 12:9

Buze'e na' Jesús len gyaazie lu yu'u useed ki yëdz'a.

Mateo 13:19

Bënni tayëën'de diidza ki yëla rnabe' ki yewayuba len ti tayajni'i'de ley, nak'ke ka xhsei lea glëxhj la nëëz; riide bënni xëwi len rgue' diidza le chi naduuz lu laadxi'dau'ke.

Mateo 13:54

len budxiine laadze, ga gzulau'e rseed'de lu yu'u useed. Bunach tubaani'tzki'de tanáke: —¿Gaxhkz pseede yugute' le nëëz'de? ¿Nakxh'kz ruune ruune yëla wak xhën?

Mateo 14:14

Kati Jesús bëtje lu barku'a ble'i'de bunach zian ati buechilaadxe'e leke len buune bënni we'a zjake ladj'ke'a.

Mateo 24:14

Len gdu yëdz'lyu lagixhjë'ke diidza kub dxia'a ki yëla rnabe', naar yugute' yëdz xhën lumbe'ke ley; len chi nak ka' tzu'u lu uudx ki yëdz'lyu.

Mateo 3:2

Rne': «¡Gulubi'i laadxi'li len Dios, koma yëla rnabe' ki yewayuba chi zua gdxin!»

Mateo 9:35

Jesús ziije yëdz yëdz rseed'de lu yu'u useed, rgixhjë'e diidza kub dxia'a ki yëla rnabe' kie' Dios, len ru'uune bunach ki zian baya' len yëla rtzaag.

Marcos 1:14

Gdëëd gulagu'e liidx'gia Juan, Jesús gyiije Galilea yajtixhjë'e diidza kub dxia'a ulaaz kie' Dios.

Marcos 1:21

Guladxin'tie' Cafarnaúm, ati Jesús gyaazie yu'u useed dza tu'ueak'laadxi'ke bënni Judea len gzulau'e rseed'de bunach.

Marcos 1:39

Ka' gde' Jesús gdu Galilea, rgixhjë'e xhtiidze'e Dios lu yu'u useed ki tu tu yëdz len rubiije bë' xëwi.

Marcos 3:10

Koma bënni zian chi buune ati yugute'ke bënni we'a tabia'niidi'de Le' naar lagaane Le'.

Marcos 6:2

Kati bdxin dza tu'ueak'laadxi'ke bënni Judea, gzulau'e rseed'de lu yu'u useed. Len bënni zian gulayëën'de Le' len tubaan'de ati tunaabi lza'a'ke: —¿Gaxh pseede yugute' le ni? ¿Gaxhkz yajxi'e yëla nayajni'i kie' len yëla wak le ruune?

Marcos 6:6

Len rubaan'de koma bunach'a ti tayajle'ke Le'. Jesús rde' rseed'de yugu yëdz nakua' ga'la.

Lucas 10:9

Gulu'uune bënni we' nakua'ke ni', len gie'li'ne: “Yëla rnabe' kie' Dios chi bdxin len lbi'ili.”

Lucas 13:10

Tu dza tu'ueak'laadxi'ke bënni Judea Jesús gzulau'e rseed'de lu yu'u useed;

Lucas 16:16

»Le nayoj lu xhba kie' Dios len diidza guluzooje bënni glu'e diidza ulaaz kie' Dios tadxin zelau Juan. Na' rzulau tagixhjë'ke diidza kub dxia'a ki yëla rnabe' kie' Dios len yugute'ke tuune lu bayuudx layaazie.

Lucas 20:1

Tu dza, tzal Jesús zue' lu gdou' rseed'de bunach len rgixhji'de leke diidza kub dxia'a, guladxiine bënni'a tunabe'i'de pxuuz len bënni useed xhba kie' Dios, nadzaag'ke bënni guul tuzeajni'i'de,

Lucas 4:14

Le' Bë' La'ay kie' Dios nudze'iz'de Jesús len zuwëëje Galilea, len bunach nakua' gdu kuiti Galilea tui'ke diidza kie'.

Lucas 5:17

Tu dza kati Jesús rseed'de bunach, gulabë'ke na' la'ke bënni fariseo len bënni useed xhba kie' Dios, za'ke ki gdu yëdz Galilea, Judea len Jerusalén. Ati yëla wak kie' Xan'ru zua len Jesús naar ru'uune bënni we'.

Lucas 6:17

Jesús budin'leene gbaaz kie' gia'a ga gyiije'a len gulabëëze ga nak la'chi. Chi nudzaag'ke ni' zian'ke bënni rajak'leene le' len zian bunach ki gdu gia'a yeego Judea, bënni yëdz Jerusalén len bënni yëdz dek ra nis xhën ki Tiro len Sidón.

Lucas 6:6

Yubl dza tu'ueak'laadxi'ke bënni Judea, Jesús gyaazie yu'u useed len gzulau'e rseed'de bunach, zue' na' tue' bënni nat'zi ne'e yubeel.

Lucas 7:21

Na'teez gzulau'e Jesús buune bunach zian ki zian baya' len yëla rtzaag, len ki bë' xëwi, len buune lau'ke bënni lau'chul.

Lucas 7:22

Na' bubi'e diidza Jesús re' leke: —Gultziaj len gie'li'ne Juan le ble'i'li len byëëni'li. Gulkixhji'de ki bënni'a na'chul lau'ke chi tale'i'de, bënni'a ti rak laza'ke chi taza'ke, bënni te'i'de baya' nuudzu chi tu'ueake, bënni këëdzu chi tayëën'de, bënni nat tubaane lu yëla gut, len bënni yechi tagixhji'de leke diidza kub dxia'a.

Lucas 8:1

Gdëëd le ni, Jesús gde' yëdz yëdz, gdixhjë'e diidza kub dxia'a ki yëla rnabe' kie' Dios, zjak'leene le' Chin'nu'ke bënni gbaaz kie'.

Lucas 9:11

Ati kati bunach gulanëëz'de, yajak'leene le'; len Jesús gxhi'e leke len be'leene leke diidza ki yëla rnabe' kie' Dios len buune bënni we'.

Lucas 9:60

Jesús bubi'e diidza: —Be'ke latj bënni nat'a luka'chi'ke bënni nat kieke; li' yajtixhjë yëla rnabe' kie' Dios:

SAN JUAN 18:20

Jesús gudxe le': —Lau'i lau ka' chi be'a diidza lau'ke yugute'ke bënni yëdz'lyu; chi pseedi'tikz'da lu yu'u useed len lu gdou', ga tudzaage bënni Judea; tibi diidza rui'da baga'chi'z.

SAN JUAN 6:59

Jesús pseed'de le ni lu yu'u useed ki yëdz Cafarnaúm.

SAN JUAN 7:1

Gdëëd le ni, Jesús rde' gia'a yeego ki Galilea. Ti gu'un'de te' Judea, koma ni' bënni Judea tugiilje le' naar ludëëd'de le'.

Hechos 10:38

Nëëzi'li ki Jesús ki Nazaret bdze'iz'de le' Bë' La'ay kie' Dios len yëla wak kie' gzua len le', ati Jesús gde' beene le nak dxia'a len buune yugute'ke bënni tutzaage lu ne'e bënni xëwi. Len le ni beene koma Dios gzue' len Le',

Hechos 18:4

Ati tza tza tu'ueak'laadxi'ke Bënni Judea Pablo riije lu yu'u useed kieke, ati raje'leene leke diidza naar layajle'ke ley bënni Judea ley bënni ti nak'ke bënni Judea.

Hechos 20:25

»Len na'a nëëz'da dxia'a ki tir yule'i'li neda tzka'li chi gdixhji'da lbi'ili yëla rnabe' kie' Dios

Hechos 28:31

Len yaalj'lulu rgixhjë'e yëla rnabe' kie' Dios, len rseed'de le rak kie' Xan'ru Jesucristo len nutunu rzaaga le'.