Mateo 28:6 - Porciones en Zapoteco de las Delicias

⁶ Ti yu'e ni, chi bubaane lu yëla gut, ka Le' gne'. Guldá gyuuli ga pxua'li'ne.

Zapotec Isthmus

⁶ Qué guinni di be rarí purti ma bibani be casi uní' be. Latá' gu'ya tu lugar ra guta be,

Mateo 28:6 Iomraidhean Croise

Mateo 12:40

Ka Jonás gyu'e le'e'ba bël xhën tson dza len tson yeel, lekz'ka' le' Xi'ine Bënni tzu'e xhan yu tson dza len tson yeel.

Mateo 16:21

Na' Jesús gzulau'e rgixhji'de bënni useed kie' ki rala tziije Jerusalén, ati bënni guul tuzeajni'i'de, bënni tunabe'i'de pxuuz len bënni useed xhba kie' Dios ulusaka'dë'tzka'ke Le'. Uludëëd'de le', san na' gak tson dza ubaane lu yëla gut.

Mateo 17:23

len uludëëd'de le'; san na' gak tson dza'a ubaane lu yëla gut. Kati gulayëën'de diidza ni gulakua'yechi'ke.

Mateo 17:9

Tzal guludinie gia'a, Jesús gnabe'i'de leke: —Nutunu kiixhji'li le ble'i'li, nakati uban're lu yëla gut le' Xi'ine Bënni.

Mateo 20:19

len ludëëde le' lu naa'ke bënni zitu naar lutitj'de le', ulagiine le' len uludëëd'de le', san kati gak tson dza ubaane lu yëla gut.

Mateo 27:63

len gle'ke le': —Xan, rusa'tu'laadxu'u ki bënni gxhi'ye' ni, kati'a ni zue' gne' ki nak gak tson dza ubaane lu yëla gut.

Marcos 16:6

San leebi guudx'kbi'nu: —Ti gaadxi'li. Lbi'ili rugiilj'li'ne Jesús ki Nazaret, bënni'a gulude'e lu yaag kruuz. Ti zue' ni chi bubaane lu yëla gut. Guluyu'tzka ga guluxue' Le'.

Marcos 8:31

Jesús gzulau'e rseed'de leke ki Le' Xi'ine Bënni rala ktzaag'tzke, len ti layaazlaadxi'ke Le' bënni guul tuzeajni'i'de bënni Judea, bënni tunabe'i'de pxuuz len bënni useed xhba kie' Dios. Gudxe leke ki uludëëd'de Le', san na' gak tson dza ubaane lu yëla gut.

Lucas 24:12

Ati Pedro rxiti'ze gyiije ra baa; len kati byue' le'i, ble'i'de laari na'z nakua'. Na' bëëje liidxe rubaan'de ki lea guk'a.

Lucas 24:23

len ti guludzëëli'nu'ne, guludxin'nu nu'yu'u tanaanu ki gulale'i'nu'ne gbaaz la'ay kie' Dios len gle'ke'nu ki Jesús yu'u yëla naban kie'.

Lucas 24:44

Gdëëd ni gudxe leke: —Le ni guk kia' ni, nak le gdixhjë'a kati ni zua'leena lbi'ili: ki rala gak kia' ka'teez nayoj lu gich le bzooje Moisés, le nayoj lu gich kieke bënni glui'ke diidza ulaaz kie' Dios len le nayoj lu gich la'ay ki Salmos.

SAN JUAN 10:17

»Xuuz'ru nadxi'i'de neda koma neda rdëëda yëla naban kia' naar yuzi'a ley yubl.

SAN JUAN 2:19

Jesús bubi'e diidza: —Gulukin'j gdou' ni, len na' gak tson dza ulisa ley.

Hechos 2:24

Ati Dios buspaane Le', busle' Le' lu ne'i yëla gut, koma yëla gut ni ti gunn gnabe'i Le'.