Mateo 21:15 - Porciones en Zapoteco de las Delicias

¹⁵ San kati bënni tunabe'i'de pxuuz len bënni useed xhba kie' Dios gulale'i'de yëla wak le ruune, len gulayëën'de ki bi'dau' tuskua'bi lu gdou': «¡Hosana Xi'ine David bënni rnabe'!», guladza'a'ke

Zapotec Isthmus

¹⁵ Peru cayuuya ca xaíque sti ca sacerdote ne ca maistru de ley irá ca milagru ni cayuni be que. Ne laca cayuna diaga ca modo cucaa ca ba'du ni nuu ndaani yu'du que ridxi: “Lausisaca xiiñi rey David.” Ngue runi bidxiichi né ca laabe.

Mateo 21:15 Iomraidhean Croise

Mateo 20:24

Kati bënni'a ye chi'ke'a gulayëën'de le ni, guladza'a'ke Santiago len Juan.

Mateo 21:23

Gdëëd ni, Jesús gyaazie lu gdou'. Tzal yu'e ni' rseed'de bunach, gulabiige'e ga ze'a bënni tunabe'i'de pxuuz len bënni guul tuzeajni'i'de ki Judea ati gulunaab'de Le': —¿Len bixh yëla rnabe' ruunu le ni? ¿Nuxh nunn kiu' yëla rnabe' ni?

Mateo 21:9

Ati bënni zjake nanëër'ke len lekz'ka' bënni zjake kuudzi'il tuskua'ke: —¡Hosana Xi'ine David bënni gnabe'e! ¡La'ay nake bënni ze'e ulaaz kie' Xan'ru! ¡Hosana yewayuba!

Mateo 22:42

Jesús bnaab'de leke: —¿Bixh rnaali lbi'ili kie' Cristo? ¿Nuxh rak xuuze? Leke gulubi'e diidza: David nake xuuze.

Mateo 26:3

La dza niiz, bënni tunabe'i'de pxuuz len bënni guul tuzeajni'i'de bënni Judea guludzaage lu yulau'i kie' Caifás, bënni pxuuz blou,

Mateo 26:59

Bënni'a tunabe'i'de pxuuz len yugute'ke bënni dxin'lau'i blou, tugiilje nu gdxia' Le' xhgia' naar luchuug'be'e ki gatie' Jesús,

Mateo 27:1

Kati gyeni, yugute'ke bënni tunabe'i'de pxuuz len bënni guul tuzeajni'i'de gluune diidza dzaag nakxh luune ludëëd'de Jesús.

Mateo 27:20

San bënni tunabe'i'de pxuuz len bënni guul tuzeajni'i'de gulagu'u'yële'e bunach'a naar lunaabe ksaane Barrabás len ludëëd'de Jesús.

Mateo 9:27

Kati Jesús burooje na', chope' bënni lau'chul zjake kuudze'e tuskua'ke: —¡Xi'ine David, buechilaadxi'i netu!

Marcos 11:18

Kati gulayëën'de le ni bënni tunabe'i'de pxuuz, bënni useed xhba kie' Dios len lekz'ka' bënni nakua'ke lau'i yëdz gulazulau'ke tugiilje nakxh luune ludëëd'de Le', san taadx'de Le' koma bunach tubaani'tzki'de ka nak le rseed'de.

Lucas 20:1

Tu dza, tzal Jesús zue' lu gdou' rseed'de bunach len rgixhji'de leke diidza kub dxia'a, guladxiine bënni'a tunabe'i'de pxuuz len bënni useed xhba kie' Dios, nadzaag'ke bënni guul tuzeajni'i'de,

Lucas 22:2

Bënni tunabe'i'de pxuuz len bënni useed xhba kie' Dios tazu'tabë'e nakxh luune ludëëd'de Jesús, san taadx'de bunach'a.

Lucas 22:66

Kati chi gyeni, guludzaage bënni guul tuzeajni'i'de, bënni tunabe'i'de pxuuz len bënni useed xhba kie' Dios len guluche'e Jesús lau'ke bënni tabeki'xhbei'de lu gdou'. Ni' gulunaab'de le'.

SAN JUAN 11:57

Bënni fariseo len bënni tunabe'i'de pxuuz gulunabe'ke ki xhki nu nëëzi gaxh zue' Jesús, kixhjë'e, naar gunn lazëëne Le'.

SAN JUAN 12:19

San bënni fariseo te' lza'a'ke: —Chi benn'be' ki tibi sua'kz ga gun'ru. ¡Yugute' bunach yëdz'lyu zjak'leene Le'!

SAN JUAN 4:1

Bënni fariseo gulanëëz'de ki Jesús rtuub'tekze bënni useed kie' len rkiil're nis bunach ka Juan

SAN JUAN 7:42

Diidza La'ay rna ki Le' Cristo rala gake xi'in'xhzue' David, len rala giide ki yëdz Belén, larakz yëdz ga ze'e David.