Mateo 2:13 - Porciones en Zapoteco de las Delicias

¹³ Kati bënni nayajni'i chi zawake, tue' gbaaz la'ay kie' Xan'ru yajlui'lau'e len José lu yeel len gudxe le': «Gyas, gde'la'bi bi'dau'a len xhna'bi ati bxhunj gyaj Egipto. Na'z bga'an nakati kixhji'ir'da' li', koma Herodes ugiilje'bi bi'dau'a ki gdëëd'de'bi.»

Zapotec Isthmus

¹³ Biree si ca hombre ni riene de luceru que ze', uní' né ti ángel sti Dios José lu bacaanda', na rabi laabe: ―Biasa gucuaa badu huiini ca ne jñaa, laché Egipto ne laguiaana raqué, ne naa gabe laatu padxí ma zanda iree tu de raqué, purti zuyubi Herodes badu huiini ca para guuti.

Mateo 2:13 Iomraidhean Croise

Mateo 1:20

Ki' chi nuune gunne, kati tue' Gbaaz La'ay kie' Xan'ru blui' lau'e lu yeel len gudxe le': «José, xi'in'xhzue' David, ti gaadx'du sua'leenu'bi bi'i María, koma leebi gzeebi zi'i len yëla wak kie' Bë' La'ay kie' Dios.

Mateo 10:23

Kati bunach ki tu yëdz lulaage lbi'ili gultziaj ye tu yëdz, le nak'te rea' lbi'ili ki ti gdach yëdz Israel tëëd'li kati Le' Xi'ine Bënni wëëde.

Mateo 2:12

Gdëëd'a lu yeel gdixhji'i leke ki tir ludëëde ga zue' Herodes, ati nëëz yubl zawake laadz'ke.

Mateo 2:14

José gyase len gde'le'bi bi'dau'a len xhna'bi, ati chi'dzë'ël gularooje zjake yëdz Egipto,

Mateo 2:16

Kati guk'be'i'de Herodes ki bënni nayajni'ik'de'a gulaziye'ide le', bdze'i'tzki'de len gnabe'e ki ludëëd'de'bi bi'i nakua'bi lu yëdz Belén len gdu ga zelau rnabe', yugute'bi bi'i chi dzë'ë'bi chop iz len bi'i nawe'enrk'bi, tzka dza chi guk gulagixhji'de le' bënni nayajni'ik'de'a.

Mateo 2:22

San kati gnëëz'de kie' Arquelao rnabe'e lu yu Judea xhlatje xuuze Herodes, guudxi'de tziije ni'; ati lu yeel gdixhji'de le Xan'ru, na' gde'le'e nëëz ziije gia'a yeego ki Galilea.

Hechos 10:22

Leke gulubi'i'ke diidza: —Za'tu ulaaz kie' Cornelio bënni nake xan'ke bënni rajake gdil, tue' bënni dxia'a len riijilaadxe'e Dios, len yugute'ke bënni Judea taki'de le' len nadxi'ik'de le'. Ati tue' gbaaz la'ay kie' Dios gudxe le' ki ksë'le'e nu dujxi' li' naar tziiju liidxe len gzenaage le rala gie'u'ne.

Hechos 10:7

Kati buze'e gbaaz la'ay kie' Dios rui'leene le' diidza, Cornelio bliidze chope' bënni wendxin kie' len tue' bënni riije gdil len riijilaadxe'e Dios, bënni le' rxhënilaadxe'e,

Hechos 12:11

Len kati Pedro bunni'de gne': «Na'a rak'be'i'da ki leel Xan'ru psë'le'e gbaaz la'ay kie' usle' neda lu ne'e Herodes len ki yugute' le te'en'de lusaka'ke neda bënni Judea.»

Hechos 12:7

Ka zua ka' blui'lau'e tue' gbaaz la'ay kie' Xan'ru, len liidx'gia ni budu gyu'u yeni. Le' gbaaz la'ay ni gdaane kuiti le'e Pedro, buspaane le' len gudxe le': «¡Gyas'te!» Na'teez, guluweedx du gia naaga' ne'e Pedro,

Hechos 16:36

Bënni'a run'chi'e liidx'gia'a gudxe Pablo: —Bënni'a tuchuug'be'e chi gulunabe'ke ki yusaana lbi'ili; na'a gunn waj'li len yëla rë'dxi.

Hechos 5:19

San chi'dzë'ël'a tue' gbaaz la'ay kie' Xan'ru psaalje liidx'gia'a len bubiije leke, ati gudxe leke:

Hechos 7:19

Bënni rnabe' ni gxhi'ye'i'de yëdz kieeru len psaka'zi'e xuuz'xhtau'ru guul; bdayë'li'de leke lusanlaadxi'ke'bi bi'i kieke bi'dau'a zia'a ru'uudx taalj'bi naar lat'bi.