Mateo 19:21 - Porciones en Zapoteco de las Delicias

²¹ Jesús bubi'e diidza: —Xhki re'en'du gaku li, gyaj len beti'i yugute' le de kiu' len bnëëdzj kieke bënni yechi. Ka' gunn uzi'u xhbei yewayuba. Chi nak ka' giidu len sa'leenu neda.

Zapotec Isthmus

²¹ Para na Jesús rabi laabe: ―Pa qué racala'dxu usiaadxa lu nin caadxi la? yeutoo ni napu', ne bidii ni ca pobre ne zapu stale ni risaca ibá'. Oraque dananda naa.

Mateo 19:21 Iomraidhean Croise

Mateo 16:24

Buudx'a Jesús gudxe bënni useed kie': —Xhki nuul'li re'eni'li gak'li bënni useed kia', rala gal'laadxi'li kuin'li, gua'li yaag kruuz kieeli len giid'leen'li neda.

Mateo 19:20

—Bi kuidi'a bubi'i'bi diidza —Yugute' le ni chi beena—. ¿Bixh ryaadzji kia'?

Mateo 19:22

Kati bi'i kuidi'a byëëni'bi lea gne'a, bayechi'da zuwaj'bi, koma de'tzka bi de kieebi.

Mateo 19:28

Jesús bubi'e diidza: —Blikz'da rea' lbi'ili, ki kati gdxin dza'a kati yugute' le ni lu'ueak dxia'a, kati Le' Xi'ine Bënni kë'e lu xhlatje xhën'te, lbi'ili bënni gza'leen'li neda lekz'ka' tu tuuli kë'li xhlatj'li blou naar kchuug'be'li ki chin'nu kë'ke xi'in'xhzue' Israel.

Mateo 4:19

Jesús gudxe leke: —Gultza' len neda, neda guuna ga lbi'ili gak'li bënni kche'li kia' bunach.

Mateo 5:48

Gulgak gdu'te dxia'a, ka nake Xuuz'li zue' yewayuba.

Mateo 8:22

Jesús bubi'e diidza: —Dia' len neda, len be'ke latj bënni nat'a luka'chi'ke bënni nat kieke.

Mateo 9:9

Jesús buze'e ni', len ble'i'de tue' bënni le' Mateo, rë'e latj ga rkiixhje laaz'sua'ke ki Roma. Ati gudxe le': —Dia' len neda. Na' Mateo gyase le ziaj'leene Le'.

Marcos 10:21

Jesús byue' le' len yëla nadxi'i len bubi'e kie' diidza: —Ni ryaadzj'r kiu' tu le guunu: beti'i dera le de kiu' len bnëëdzj kieke bënni yechi. Ka gunn ga'ta'tzka bi ga'ta kiu' lu yewayuba. Chi nak ka sa'leenu neda.

Marcos 2:14

Kati gdëëde'a ble'i'de Leví bënni xi'ine Alfeo rë'e latj ga tukiixhje laaz'sua'ke ki Roma. Jesús gudxe le': —Dia'leen neda. Leví gyase, len ziaj'leene Jesús.

Marcos 8:34

Chi nak ka Jesús bliidze bënni useed kie' len bunach, ati gne': —Xhki nu bënni re'en'de gake bënni useed kia', gzal'laadxe'e le ryaazlaadxe'e le', gue'e yaag kruuz kie' len giid'leene neda.

Lucas 12:33

Gulgu'ti' le de kieeli len gulunëëdzj kieke bënni nayaadzji'kde; gulgun bayuudx ga ga'ta kieeli yëla tzawi ki yewayuba le ti yu'u lu'uudx ki, len gulun'chi'i ga ti gak'ditji'kz, ga bënni gban ti gunn tzaazie len ga ti kë'ba be.

Lucas 14:33

Ka nak, nuti'il'li xhki ti jka'an'li le de kieeli, ti gunn gak'li bënni useed kia'.

Lucas 16:9

»Rea' lbi'ili ki jguun'li dxin dxia'a yëla tzawi nak ki yëdz'lyu ni, naar lakua'ke bënni gdzaag'li'ne dxia'a, ki kati yëla tzawi ni ludu, sua nu uzi' lbi'ili ye tu latj ga ti yu'u lu'uudx ki.

Lucas 18:22

Kati Jesús byëën'de le ni, bubi'e kie' diidza: Ni ryaadzj'r kiu' tu le guunu: beti'i dera le de kiu' len bnëëdzj kieke bënni yechi. Ka gunn ga'ta kiu' yëla tzawi ki yewayuba. Chi nak ka sa'leenu neda.

Lucas 5:27

Gdëëd ni, Jesús brooje len ble'i'de tue' bënni rkiixhje laaz'sua'ke ki Roma, bënni le' Leví, len rë'e latj ga tukiixhje laaz'sua'ke, Jesús gudxe le': —Dia' len neda.

Lucas 6:40

Gat'ga zue' bënni useed nak're xhën ka bënni pseed'de le' san kati uudx kseede udxiine gake ka bënni'a pseed'de le'.

Lucas 9:23

Gdëëd ni gudxe yugute'ke: —Xhki nu bënni re'en'de gake bënni useed kia', rala gzal'laadxe'e kuine, gue'e yaag kruuz kie' tu tu dza len giid'leene neda.

SAN JUAN 10:27

Bëku'xhiila kia' numbek'ba chi'a len neda numbe'ka'ba ati rdujak'leema neda.

SAN JUAN 12:26

Xhki nu bënni re'en'de gake bënni wendxin kia', rala giid'leene neda, len ga sua' neda, na' sue' lekz'ka' bënni wendxin kia'. Xhki nu bënni gake bënni wendxin kia', Xuuza unëëdzje kie' bala'an.

Hechos 2:45

Gluti'ke xhyu'ke len zura le de kieke ati dumi'a tun'gatzje tzka le nayaadzji'kde tu tu'ke.