Lucas 24:19 - Porciones en Zapoteco de las Delicias

¹⁹ Le' bnaabe: —¿Bixh guk? —Gle'ke le': —Ka guk kie' Jesús bënni Nazaret, guke bënni be'e diidza ulaaz kie' Dios, len yëla wak xhën beene dxin len be'e diidza lau'e Dios len lau'ke yugute'ke bënni;

Zapotec Isthmus

¹⁹ ―Xi laa, rabi be laaca'. Para na ca': ―Cuze'te du ni uca Jesús de Nazaret, ti profeta nandxó' nezalú Dios ne nezalú irá binni. Rihuinni nandxó' be pur ni bi'ni be ne ni uní' be.

Lucas 24:19 Iomraidhean Croise

Mateo 21:11

Ati bunach gulubi'ke diidza: —Le nake Jesús bënni rue'e diidza ulaaz kie' Dios, bënni yëdz Nazaret ki yu Galilea.

Marcos 1:24

¿Bixh rala'tu kiu' Jesús ki Nazaret? ¿Naru zo'u zdunit'lau'u netu? Neda numbe'a li', len nëëz'da ki li' naku Bënni Xi'ine Dios.

Lucas 24:18

len tue' bënni le' Cleofás bubi'e diidza: —¿Naru tuuzu li' bënni yëdz zitu nadxiinu Jerusalén len ti nëëz'du le guk ni' nas niij ni?

Lucas 7:16

Kati gulale'i'de le ni, yugute'ke glaadxi'de len gulazulau'ke tagu'e ba Dios, gulanake: —Tue' bënni xhën rue'e diidza ulaaz kie' Dios zue' len ro'u. Lekz'ka' gulanake: —Dios bdxiine rak'leene yëdz kie'.

SAN JUAN 3:2

Bënni ni yajyue Jesús chi'dzë'ël, len gudxe le': —Bënni Useed, nëëzi'tu ki Dios nusë'le'e li' naar kseed'du netu, koma nutunu gak gun yëla wak le ruunu li', nar'la Dios ti zue' len le'.

SAN JUAN 4:19

Kati nguul ni byëëni'nu le ni, guudx'nu'ne: —Xan, leel naku bënni rue'e diidza ulaaz kie' Dios.

SAN JUAN 6:14

Bunach'a kati gulale'i le runn'be' yëla wak le beene Jesús, gulanake: —Leel bënni ni nake bënni'a rue'e diidza ulaaz kie' Dios len rala giide yëdz'lyu ni.

SAN JUAN 7:52

Leke gulubi'i'ke diidza: —¿Naru lekz'ka' li' naku bënni Galilea? Pseed Diidza La'ay naar gnëëzdu ki gat'ga r'roj'de Galilea bënni rue'e diidza ulaaz kie' Dios. [

Hechos 10:38

Nëëzi'li ki Jesús ki Nazaret bdze'iz'de le' Bë' La'ay kie' Dios len yëla wak kie' gzua len le', ati Jesús gde' beene le nak dxia'a len buune yugute'ke bënni tutzaage lu ne'e bënni xëwi. Len le ni beene koma Dios gzue' len Le',

Hechos 2:22

»Guluzenaag bënni Israel le gie'a lbi'ili: ka chik'z nëëzi'li dxia'a, Dios blui'de lbi'ili yëla rnabe' kie' Jesús ki Nazaret, len beene lu ne'e Le' le rgu'u yëla rubaani, len yëla wak xhën le Le' blui'de ro'u.

Hechos 7:22

Ka' guk ati Moisés gdun'gxhëëne len yëla nayajni'i kieke bënni Egipto len guke tue' bënni blou nia'a ki diidza be'e len le beene.