SAN JUAN 8:12 - Porciones en Zapoteco de las Delicias

¹² Jesús yubl ka be'leene diidza bunach, gne': —Neda naka yëla yeni ki yëdz'lyu; bënni riid'leene neda, wa'pe yëla yeni le gnëëdzj kie' yëla naban ati ti te' ga nak chul.

Zapotec Isthmus

¹² Bigueta uní' né be ca binni nuu ndaani yu'du que, na be: ―Naa zeda gaca casi biaani ni ruzaani binni guidxilayú. Tu gueda nanda naa la? zapa biaani ni rudii enda nabani, ne qué ziuu dxi sa lu guelacahui.

SAN JUAN 8:12 Iomraidhean Croise

Mateo 5:14

»Lbi'ili nak'li yeni ki yëdz'lyu ni. Tu yëdz zua lau'it gia'a ti gunn jka'chi' lau'i.

Lucas 2:32

gi' le gzeni yugute' yëdz len gak le gun xhën yëdz kiu' Israel.»

SAN JUAN 12:35

Jesús gudxe leke: —Yëla yeni uzuaar ye tu chi'i len lbi'ili, san ye tuchi'iz sua. Gultá tzal ni zua len lbi'ili yeni ni, naar ti sën lbi'ili yëla chul koma bënni rde' ga nak chul ti nëëz'de gaxh ziije.

SAN JUAN 12:36

Gultzajle' yëla yeni tzal ni zua'leen lbi'ili naar gaki'li ki yëla yeni. Buudx gne' yugute' le ni, Jesús zuwëëje yajkachi'lau'de leke.

SAN JUAN 12:46

Neda naka yëla yeni, za'a yëdz'lyu naar bënni layajle'ke neda ti laga'ane ga chul.

SAN JUAN 14:6

Jesús bubi'e kie' diidza: —Neda naka nëëz, yëla li len yëla naban. Nutunu rdxin len Xuuz'ru xhki ti nak nia'a kia'.

SAN JUAN 3:19

Bënni ti tayajle'ke chi nabaaga'ke xhgia', le tuune le ku nak koma kati yëla yeni biid yëdz'lyu ni guladxi'ir'de yëla chul ka yeni ni.

SAN JUAN 7:17

Xhki nu bënni re'en'de guune le ryaazlaadxe'e Dios, wak'be'i'de xhki le neda rseed'da za' kie' Dios u xhki ba nak le rgiiljz'laadxa'a.

SAN JUAN 9:5

Tzal zua' yëdz'lyu ni, naka yëla yeni ki yëdz'lyu.

Hechos 13:47

Koma ka' gnabe'i'de netu Xan'ru, len gne': “Nuzua' li' ki gaku gi' ki yugute' yëdz, naar tzajtixhjë'u yëla ruslá kia' gdu gabi'i yëdz'lyu”.

Hechos 26:23

Ki le' Cristo rala gatie', ati kati chi gdëëd gutie' zia'a le' gake bënni ubaane lu yëla gut, len kixhji'de bënni laadz'ru ni len bënni yëdz yubl yëla yeni ki yëla ruslá.»