SAN JUAN 7:39 - Porciones en Zapoteco de las Delicias

³⁹ Len le ni Jesús gu'un'de gne' ki bënni layajle'ke Le' ulazi'ke Bë' La'ay kie' Dios; koma Bë' La'ay kie' Dios ti zuiidi na' koma Jesús ti rubeen'de yewayuba.

Zapotec Isthmus

³⁹ Rarí cuzeete Jesús Espíritu Santu ni icaa irá ni guni cre laa, peru dxi bizeete be ni la? ca'ru gueeda Espíritu Santu, purti ca'ru ibigueta be ibá'.

SAN JUAN 7:39 Iomraidhean Croise

Mateo 16:14

Leke gulubi'ke diidza: —La'ke tanáke ki nake Juan bënni rkiile nis bunach, ye la'ke tanáke ki nake Elías, len ye la'ke tanáke ki nake Jeremías u tue' bënni be'e diidza ulaaz kie' Dios.

Mateo 21:11

Ati bunach gulubi'ke diidza: —Le nake Jesús bënni rue'e diidza ulaaz kie' Dios, bënni yëdz Nazaret ki yu Galilea.

Lucas 24:49

Len neda ksë'la'a kieeli le Xuuza pxënelaadxi'li. San lbi'ili guluga'an yëdz Jerusalén niiz, tzal gdxin kieeli yëla wak za' yewayuba.

Lucas 3:16

ati Juan gudxe yugute'ke: «Le nak'te, neda rkiila lbi'ili len nis, san ze'e tue' bënni jkiile lbi'ili len Bë' La'ay Kie' Dios lekz'ka' len gi'. Le' nap're yëla wak ka neda, len ti nak'kza bach kseedxa xhtui lëële'.

Lucas 7:16

Kati gulale'i'de le ni, yugute'ke glaadxi'de len gulazulau'ke tagu'e ba Dios, gulanake: —Tue' bënni xhën rue'e diidza ulaaz kie' Dios zue' len ro'u. Lekz'ka' gulanake: —Dios bdxiine rak'leene yëdz kie'.

SAN JUAN 1:21

Gulunaab'de le' yubl ka: —¿Nuxh naku, xhki? ¿Naku Elias bënni be'e diidza ulaaz kie' Dios? Juan gne': —Ti naka Elias. Leke gulunaabe yubl ka': —¿Naku bënni rue'e diidza ulaaz kie' Dios bënni'a rala giide? Bubi'e diidza: —Keg needa'a.

SAN JUAN 1:25

gulunaab'de le': —Xhki ti naku Le' Cristo, ti naku Elias, len ti naku bënni rue'e diidza ulaaz kie' Dios, ¿Bixhkia' rkiilu nis bunach?

SAN JUAN 1:33

Ti numbe'a'ne nuxh bënni'a; san bënni'a psë'le'e neda jkiila nis bunach, gudxe neda: “Bënni'a gle'i'du'ne tzajsuáleene le' Bë' la'ay kie' Dios, le' jkiile bunach len Bë' la'ay kie' Dios.”

SAN JUAN 12:16

Bënni useed kie' ti gulayajni'i'de le ni; san kati le' bubaane lu yëla gut, gyajnei'kde ki yugute' lea gluune kie' nayoj lu Diidza La'ay len rui' diidza kie'.

SAN JUAN 12:23

Na' Jesús gudxe leke: —Chi bdxin dza kati Xi'ine Bënni gake xhën.

SAN JUAN 14:13

Len yugute' le gnaab'li lu La', guuna ley, naar lu ne'e Xi'ine glui' lau'i yëla xhën kie' Xuuz'ru.

SAN JUAN 14:26

san nu Ruwi'xhën, Le' Bë' La'ay kie' Dios Xuuz'ru ksë'le'e Le' lu La', yugute' kseed'de lbi'ili len use'e'laadxi'li yugute' le chi gdixhji'da lbi'ili.

SAN JUAN 16:14

Le' glui'e yëla xhën kia' koma uzi'e le naki kia' len glui'de ley lbi'ili.

SAN JUAN 16:7

San ti rzi'ye'a: Wak'r kieeli dxia'a wëëja. Koma xhki ti wëëja, nu Ruwi'xhëën ti giide dusue' len lbi'ili; san xhki wëëja, neda usë'la'ne kieeli.

SAN JUAN 17:1

Buudx be'e diidza ni, Jesús byue' xhba len gne': «Xuuza, chi bdxin ur: beene xhën Bënni Xi'inu, naar Le' guune Li' xhën.

SAN JUAN 17:5

Na'a, Xuuza, ben neda xhën lau'u ka nak'kza xhën zia'at kati zia'a ga'ta yëdz'lyu ni.

SAN JUAN 20:22

Bluube leke, len gudxe leke: Gulsi'e Bë' La'ay kie' Dios.

SAN JUAN 6:14

Bunach'a kati gulale'i le runn'be' yëla wak le beene Jesús, gulanake: —Leel bënni ni nake bënni'a rue'e diidza ulaaz kie' Dios len rala giide yëdz'lyu ni.

SAN JUAN 7:12

Ladj bunach'a ryu'u'tzka gne' kie'. La'ke tanáke: «Bënni dxia'a nake»; san ye la'ke tanáke: «Ti nake bënni dxia'a; rzi'ye'i'de bunach.»

SAN JUAN 8:54

Jesús bubi'e kieke diidza: —Xhki larakz tuuza guuna kuina xhën, le ni tibi yui'i. Xuuza nake bënni ruune neda xhën, larakz bënni'a lbi'ili rnaali ki nake Dios kieeli.

Hechos 19:2

Len bnaab'de leke: —¿Ba gxhi'li'ne Bë' La'ay kie' Dios kati gyajle'li? Leke gulubi'i'ke diidza: Tibi diidza nayëëni'tu kie' le' Bë' La'ay kie' Dios.

Hechos 2:17

“Ki' gak dza zia'a za' rne' Dios usë'la'a Bë' La'ay kia' sua len yugute' bunach; len bi'i kieeli bi bënni bi nguul ului'bi diidza ulaaz kia' le zian le glui'i'kda'bi bi'i kuidi kieeli, len lu yeel gliidz'ka'ne yugu bënni guul.

Hechos 2:33

Dios beene Le' xhën len glekie Le' kuiti le'e yubeel len bnëëdzje kie' Bë' La'ay kie' le pxënelaadxi'ru, ati Le' buz'së'la'ge kieeru, ley'a nak lea na'a rle'i'li len ryëëni'li.

Hechos 2:38

Pedro bubi'e diidza: —Gulubi'i'laadxi'li len Dios len guludiil nis lu le' Jesucristo, naar Dios si'xhëëne xhtu'la'li len le' gunne kieeli Bë' La'ay kie'.

Hechos 2:4

Ati yugute'ke bdze'iz leke Bë' La'ay kie' Dios len gulazulau'ke tui'ke diidza zitu, le gnabe'i leke Bë' La'ay kie' Dios lui'ke.

Hechos 3:13

Dios kieke xuuz'xhtau'ru guul Abraham, Isaac, len Jacob, beene xhën'te Jesús bënni wendxin kie', bënni'a lbi'ili bdëëd'li'ne lu naa'ke bënni tunabe'ke, len ti gyaazlaadxi'li'ne kati Pilato gu'un'de ksaane le'.

Hechos 4:31

Kati buudx glui'leene diidza Dios, ga nakua'ke'a ptit; len yugute'ke bdze'iz leke Bë' La'ay kie' Dios, len si'na tui'tzka'ke xhtiidze'e Dios.