SAN JUAN 5:30 - Porciones en Zapoteco de las Delicias

³⁰ »Neda ti gun guuna le gnaaz kia'. Rchuug'be'a ka Xuuza rnabe'i'de neda, len le rchuug'be'a nak dxia'a, koma ti re'en'da guuna le ryaazlaadxa'a neda, Xuuz'ru Dios nusë'le'e neda len guuna le ryaazlaadxe'e Le'.

Zapotec Isthmus

³⁰ Qué zanda gune gasti de naa sia', sínuque modo rabi Bixhoze naa udxiiba donda, zacá rune'. Ne jneza rudxiiba donda purti qué rune ni racaladxe sínuque rune ni na Bixhoze ni biseenda naa.

SAN JUAN 5:30 Iomraidhean Croise

Mateo 26:39

Chi nak ka Jesús gze'e ye lati, bzechu ikje lyu't len be'leene diidza Dios, rne': «Xuuza, xhki gunn, buslá neda ki yëla rzi'be' ni; san ti gak le ryaazlaadxa'a neda, gak le ryaazlaadxu'u li.»

SAN JUAN 14:10

¿Naru ti rajle'u ki Xuuz'ru zue' len neda, ati neda zua' len Le'? Diidza rui'leena lbi'ili ti nak le rnaaz kia'. Xuuz'ru zue' len neda, len Le' ruune xhchiine.

SAN JUAN 17:4

»Neda chi beena Li' xhën lu yëdz'lyu ni, koma chi psiuudxa dxin le bzu' lu na'a.

SAN JUAN 18:11

Jesús gudxe Pedro: —Bugu'u gia'tuchi'a xhlatji. Xhki Xuuz'ru nuune ga tëëda yëla rzi'be' ni, ¿Naru ti rala tëëda ley?

SAN JUAN 4:34

Ati Jesús gudxe leke: —Xuuza nusë'le'e neda ati la'wa'gu kia' nak guuna le ryaazlaadxe'e Le' len ksiuudxa xhchiine.

SAN JUAN 5:19

Jesús gudxe leke: «Le nak'te rea' lbi'ili ki Xi'ine Dios ti gunn guune le rnaaz kie'; le rle'iz'de ruune Xuuze ruune. Yugute' le ruune Xuuze lekz'ka' Xi'ine Dios ruune.

SAN JUAN 6:38

Koma neda ti za'a yewayuba ki guuna le ryaazlaadxa'a, Xuuza psë'le'e neda len guuna le ryaazlaadxe'e le'.

SAN JUAN 8:28

Lena'a gudxe leke: —Kati lbi'ili kchis'li'ne xhtza' Xi'ine Bënni, umbe'li ki neda naka nu rnia' naka len ti za'a guuna le gnaaz kia'; rnaaza le pseed'de neda Xuuz'ru.

SAN JUAN 8:42

Jesús bubi'e kieke diidza: —Nar'la nak'li xi'ine Dios, lbi'ili udxi'i'li neda koma kie' Dios za'a len ni zua'. Ti za'a guuna le gnaaz kia', Dios nusë'le'e neda.

SAN JUAN 8:50

Neda ti ruuna kuina xhën; zue' bënni re'en'de guune neda xhën, len le' nake bënni rchuug'be'e.