SAN JUAN 3:17 - Porciones en Zapoteco de las Delicias

¹⁷ Koma Dios ti psë'le'e Xi'ine ki guspaage'e xhgia' yëdz'lyu, psë'le'e le' naar nia'a kie' usle' yëdz'lyu

Zapotec Isthmus

¹⁷ Biseenda be Xiiñi be guidxilayú cadi para udxiiba donda ique binni, sínuque para ilá binni pur laa.

SAN JUAN 3:17 Iomraidhean Croise

Mateo 1:23

«Bi nguul raban'dou se'bi zi'i len suabi kieenu tuubi bi'dau', len gzua'li laabi Emanuel» (Le re'e'ni gna': «Dios zue' len ro'u»).

Mateo 18:10

»Ti gna ku tzaazlaadxik'li'bi yugu bi'dau' ni. Koma rea' lbi'ili ki yewayuba nakua'ke gbaaz la'ay kiek'bi len tuyu'tekze lau'rue'e Xuuza zue' yewayuba.

Mateo 18:11

[Koma Le' Xi'ine bënni biide naar usle' le chi na'nit.]

Lucas 19:10

Koma Le' Xi'ine Bënni biide dudiilje len dusle' le chi na'nit.

Lucas 9:56

Na' yajake ye tu yëdz we'en.

SAN JUAN 1:29

Bueikj dza'a Juan ble'i'de Jesús gbiige'e ga'la ga ze' le', len gne': «¡Guluyu'tzka, bënni'a nake Bëku'xhiila kie' Dios, bënni rgue' dula ki yëdz'lyu!

SAN JUAN 10:36

Ati xhki Dios gliije neda kiizi ati psë'le'e neda yëdz'lyu, ¿Bixhkia' rnaali ki neda rui'a diidza ku nak lau'e Dios, le gnaaza ki naka Xi'ine Dios?

SAN JUAN 11:42

Nëëz'da ki Li' ryëëni'tikz'du neda, san le ni rnia', naar bunach nakua' ni layajle'ke ki Li' psë'lu'u neda.

SAN JUAN 17:18

Ka psë'lu'u neda ladj'ke bënni nakik'de ki yëdz'lyu ni, lekz'ka' neda rsë'la'ka'ne ladj'ke bënni nakik'de ki yëdz'lyu ni.

SAN JUAN 17:21

Rnaab'da Li' ki yugute'ke lake tuuz; ka Li' zu' len neda len neda zua' len Li', lekz'ka' leke lakua'leene ro'u, naar bunach yëdz'lyu ni layajle'ke ki Li' psë'lu'u neda.

SAN JUAN 17:23

neda sua' len leke len Li' su' len neda, naar gdu ka nak'ke lak'ke tuuz, naar bunach yëdz'lyu ni lak'be'i'de ki Li' psë'lu'u neda, len nadxi'ik'du'ne ka nadxi'i'du neda.

SAN JUAN 17:25

Xuuza dxia'a, bunach nakik'de ki yëdz'lyu ni ti numbe'ke Li'; san neda numbe'a Li', ati bënni ni nëëzi'kde ki Li' psë'lu'u neda.

SAN JUAN 17:3

Ati yëla naban tzalzu nak ki lumbe'ke Li', lazdui'de Dios li, len Cristo bënni'a psë'lu'ne.

SAN JUAN 17:8

koma chi gdixhji'kda'ne xhtiidzu'u le bennu kia' len leke gulazi'ke ley. Gulak'be'i'de ki leel za'a kiu', len tayajle'ke ki Li' psë'lu'u neda.

SAN JUAN 20:21

Chi nak ka Jesús yubl gudxe leke: ¡Yëla rë'dxi sua len lbi'ili! Ka psë'le'e neda Xuuz'ru, ka' neda rsë'la'a lbi'ili.

SAN JUAN 3:34

koma bënni'a Dios nusë'le'e, rue'e xhtiidze'e Dios, koma Dios ti rdxie'gbe'i ki Bë' La'ay kie' tzka rnëëdzje.

SAN JUAN 5:36

San napa le rdujxaka'lau kia' len zaki'i'r ka le dujxaka'lau'e Juan. Le neda ruuna, nak le Xuuz'ru Dios re' neda guuna, len runn'be' ki Le' nusë'le'e neda.

SAN JUAN 5:38

len ti rnëëdzj'li latj xhtiidze'e zua' len lbi'ili koma ti rajle'li'ne bënni'a nusë'le'e Xuuz'ru Dios.

SAN JUAN 5:45

Tza gaki'li ki neda gdxia' lbi'ili xhgia' lau'e Xuuza; kuin'kze Moisés gdxie' lbi'ili xhgia', bënni'a lbi'ili nuxhënilaadxi'li'ne.

SAN JUAN 6:29

Jesús bubi'e kieke Diidza: —Le re'enz'de Dios nak ki tzajle'li'ne bënni'a Le' nusë'le'e

SAN JUAN 6:38

Koma neda ti za'a yewayuba ki guuna le ryaazlaadxa'a, Xuuza psë'le'e neda len guuna le ryaazlaadxe'e le'.

SAN JUAN 6:40

Koma le ryaazlaadxe'e Xuuza nak ki yugute'ke bënni tuyu'ke Xi'ine Dios len layajle'ke le', lape yëla naban tzalzu; len neda yuspan'ka'ne lu yëla gut dza zia'a za.

SAN JUAN 6:57

Xuuza psë'le'e neda, Le' nape yëla naban ati neda yu'u yëla naban kia' nia'a kie' Le'; lekz'ka' nak, bënni ra'we xhpeela'a yu'u yëla naban kie' nia'a kia'.

SAN JUAN 7:29

Neda numbe'a'ne koma kie' Le' za'a len Le' nusë'le'e neda.

SAN JUAN 8:11

Leenu bubi'i'nu kie' diidza: —Nutunu bënni, Xan. Jesús gudxe'nu: —Lekz'ka' neda ti uspaaga'a li xhgia'; na'a, buaj len tir guunu dula.]

SAN JUAN 8:42

Jesús bubi'e kieke diidza: —Nar'la nak'li xi'ine Dios, lbi'ili udxi'i'li neda koma kie' Dios za'a len ni zua'. Ti za'a guuna le gnaaz kia', Dios nusë'le'e neda.