SAN JUAN 20:19 - Porciones en Zapoteco de las Delicias

¹⁹ Chi'dzë'ël'a ki dza'a kati rugie'la' seman, bënni useed kie' Jesús nudzaag'ke len nusiaj'ke puert koma taadx'de bënni tunabe'ke Judea. Jesús gyaazie len gze' gatzj'lau'i kieke bënni useed kie', bliidz'tzawi'e leke, gne': —¡Yëla rë'dxi sua len lbi'ili!

Zapotec Isthmus

¹⁹ Domingu huadxí que da'gu ca puerta ra nuu ca discípulu purti cadxibi ca ca judíu. Ne beeda Jesús, bizuhuaa lade ca' ne na: ―Gata dxí ladxidó' to.

SAN JUAN 20:19 Iomraidhean Croise

Mateo 10:13

Len yëla rë'dxi rzelaadxi'li'a uzua len leke, xhki bënni'a nakua'ke nu'yu'a nak'ke bach lazi'ke ley; san xhki ti nak'ke, udxin yubl len lbi'ili.

Mateo 18:20

Koma ga nudzaag'ke chope' u tsone' bënni lu la', ladj'ke'a na' zua' neda.

Marcos 16:14

Gdëëd'a, Jesús blui'lau'e len chi'niaj'ke bënni useed kie' tzal leke ta'we. Gdil'leene leke koma ti nap'ke yëla rajle' len laadxi'dau'ke nak tzutzu, koma ti gulayajle'ke bënni'a chi gulale'i'de Le' bubaane lu yëla gut.

SAN JUAN 14:27

»Yëla rë'dxi rka'ana kieeli, yëla rë'dxi kia' runna kieeli, keg ka tunne ley bënni yëdz'lyu ni. Ti sua'yechi'li len ti gaadxi'li.

SAN JUAN 16:22

Lekz'ka' rtzaag'li lbi'ili na'a; san ule'i'da lbi'ili ati laadxi'dau'li gdze'iz yëla rudziiji, tu yëla rudziiji le nutunu gunn kua.

SAN JUAN 16:33

Yugute' le ni rea' lbi'ili naar suáli lu yëla rë'dxi na'a zuaali len neda. Lu yëdz'lyu ni, utzaag'li; san gulutip'laadxi'li: neda chi bde'li'da lu yëdz'lyu ni.

SAN JUAN 20:21

Chi nak ka Jesús yubl gudxe leke: ¡Yëla rë'dxi sua len lbi'ili! Ka psë'le'e neda Xuuz'ru, ka' neda rsë'la'a lbi'ili.

SAN JUAN 20:26

Gdëëd xuunu dza, yubl nudzaag'ke bënni useed kie' Jesús lu tu yu'u ati na' zue' lekz'ka' Tomás. Zala nusiaj'ke puert'a Jesús gyaazie, gze' gatzj'lau'i len bliidz'tzawi'e leke, gne': —¡Yëla rë'dxi sua len lbi'ili!

SAN JUAN 21:1

Gdëëd le ni, Jesús yubl yajlui'lau'e len bënni useed kie', rui'i nis ki Tiberias. Ki guk:

SAN JUAN 21:14

Ni guk tson lzu Jesús rlui'lau'e len bënni useed kie' buudx bubaane lu yëla gut.

SAN JUAN 7:13

San, nutunu rui' diidza kie' lau'i lau ka —san baga'chi'z tui'ke kie' diidza, koma taadx'de bënni Judea.

Hechos 1:3

Len kati gdëëd gutie' kuin'kze yajlui'lau'e len blui'de leke le tunn'be' ki yu'u yëla naban kie'. Chua' dza blui'lau'e len leke len be'leene leke diidza ki yëla rnabe' kie' Dios.