SAN JUAN 19:6 - Porciones en Zapoteco de las Delicias

⁶ Kati bënni tunabe'i'de pxuuz len bënni tun'chi'ke gdou' gulale'i'de Le', gulazulau'ke tuskua'ke: ¡Bde'e lu yaag kruuz! ¡Bde'e lu yaag kruuz! Pilato gudxe leke: Guluche'e lbi'ili len gulude'e lu yaag kruuz, koma neda tibi xhgia' budzëël'da nuune.

Zapotec Isthmus

⁶ Ora bi'ya ca xaíque sti ca sacerdote ne ca gendarme laabe bicaa ca ridxi: ―¡Bicaa laabe lu cruz! ¡Bicaa laabe lu cruz! Para na Pilatu rabi laaca': ―Laicaa laabe laatu, laucaa laabe lu cruz, purti naa qué idxela gasti donda luguiá be.

SAN JUAN 19:6 Iomraidhean Croise

Mateo 26:58

Pedro gyaj'leene le' zitu zitu, len bdxin'tie' la'chi rayu'u ki liidxe pxuuz blo'u, gyaazie len grë'leene bënni'a tun'chi'ke gdou', naar gle'i'de ga uudxi yugute' le ni.

Mateo 27:22

Pilato bnaab'de leke: —¿Ati nakxh guuna kie' Jesús, bënni'a te'ke le' Cristo? —Yugute'ke gulanake: —¡Bde'e lu yaag kruuz!

Mateo 27:24

Kati Pilato ble'i'de ki ti rbë'xhbei, ati ryali'ir rak ruzbë', bnaabe tzajxi'ke kie' nis len gdiibe ne'e lau'ke yugute'ke, len gne': —Chi nak len lbi'ili, ti gdxia'li ikja yëla gut kie' bënni ni.

Lucas 23:4

Na' Pilato gudxe bënni tunabe'i'de pxuuz len bunach nakua'k ni': —Tibi xhgia' rudzëël'da nuune bënni ni.

SAN JUAN 18:3

Na' Judas bdxiine dzaage yugute'ke bënni rajake gdil len la'ke bënni tun'chi'ke gdou' bënni nusë'la'ke leke bënni tunabe'i'de pxuuz len bënni fariseo. Nua'ke gia'tuchi, gi' len gi' yëër.

SAN JUAN 18:31

Pilato gudxe leke: —Guluche'e lbi'ili, guluchuug'be' kie' ka rna' xhba kieeli. San bënni tunabe'ke bënni Judea gulubi'ke diidza: Netu bënni Judea ti nap'tu lsenz nu gdëëdi'tu.

SAN JUAN 18:38

Pilato gudxe Le': —¿Ati bixha yëla li? Buudx bnaabe le ni, Pilato yubl brooje yaje'leene diidza bënni Judea, gudxe leke: —Tibi xhgia' rudzëël'da nuune bënni ni.

SAN JUAN 19:15

San leke guluskua'ke: ¡Gyaaj'leene ki'il! ¡Gyaaj'leene ki'il! ¡Bde'e lu yaag kruuz! Pilato bnaab'de leke: —¿Naru uda'ane lu yaag kruuz bënni rnabe'i'de lbi'ili? Len bënni tunabe'i'de pxuuz gulubi'ke diidza: —¡Tuuze bënni rnabe'i'de netu zue', bënni rnabe'e yëdz'lyu!

SAN JUAN 19:4

Pilato yubl brooje, len gudxe leke: —Guluyu'tzka, ni nuche'a'ne, naar gak'be'i'li ki tibi xhgia' budzëël'da nuune.

Hechos 2:23

Bënni ni, ka Dios chi nukëëze len nuune kie' gxhën'li'ne len bdëëdi'li'ne, bda'li'ne lu yaag kruuz lu naa'ke bënni dula.

Hechos 7:52

Xuuz'xhtau'li guul gulusaka'dë'ke yugute'kze bënni'a glui'ke diidza ulaaz kie' Dios. Leke guludëëd'de bënni'a gulagixhjë'e ki rala giide Le' Bënni Dxia'a, ati na'a chi biide Le', lbi'ili bdëëd'li'ne lu naa'ke bunach len bdëëdi'li'ne.