SAN JUAN 19:28 - Porciones en Zapoteco de las Delicias

²⁸ Gdëëd le ni, Jesús nëëz'de ki yugute' chi glak, len naar gza'a le rna' Diidza La'ay: gne': —Rbiidxa.

Zapotec Isthmus

²⁸ Biluxe si irá nga, nanna be ma biluxe xhiiña be para na be: ―Cayate nisa. Uní' be zacá ti iree ni casi cá lu Xqui'chi Dios.

SAN JUAN 19:28 Iomraidhean Croise

Lucas 12:50

Tu le barsaki rala si'be' neda, len ¡rtzaag'tzka tzal gdxin!

Lucas 18:31

Jesús bliidze kiizi chin'nu'ke bënni useed kie' len gudxe leke: «Na'a tziaj'ru Jerusalén, ga lak yugute' le guluzooje kie' le' Xi'ine Bënni, bënni glui'ke diidza ulaaz kie' Dios.

Lucas 22:37

Koma rgixhji'da lbi'ili ki rala gak kia' ka'teez nayoj lu Diidza La'ay: “Gulusake'e le' ka tusaka'ke bënni dula” Koma yugute' le nayoj kia' de ki lakgak.

Lucas 9:31

nuli'iji leke yeni xhën'te len tui'ke diidza ka uze'e Jesús lu yëdz'lyu ni, le rala gak Jerusalén.

SAN JUAN 13:1

Zia'a gdxin lni ki Pascua len Jesús guk'be'i'de ki chi bdxin dza rala jka'ane yëdz'lyu ni naar tzajdzaage Xuuze. Len Le' bdxi'i'tikz'de bënni'a da'ke Le' lu yëdz'lyu ni, ni guti'de bdxi'i'de leke.

SAN JUAN 17:4

»Neda chi beena Li' xhën lu yëdz'lyu ni, koma chi psiuudxa dxin le bzu' lu na'a.

SAN JUAN 18:4

San koma Jesús chik'z nëëz'de le rala gak, brooje len bnaab'de leke: —¿Nuxh rugiilj'li?

SAN JUAN 19:24

bënni rajake gdil gle' lza'a'ke: —Ti kchëëza'ru ley, jkitj'ru le gunn'be' nuul'ru gala'ru laari'a. Naar yajtzaag ka nayoj lu Diidza La'ay: «Gulula'a'ke xha' len gulukitj'ke le gunn'be' nuxh'lke la'la'ke laari'a rakua' lau'il xha'.» Ki gluune bënni rajake gdil.

SAN JUAN 19:30

Jesús gui'e nup uva zi len gne': —Yugute' chi bza'a. Chi nak ka bzechu ikje len gutie'.

SAN JUAN 19:36

Koma le ni glakgak naar yajtzaag le rna' Diidza La'ay: «Gat'ga zua dxit kie' lagitzje.»

SAN JUAN 4:34

Ati Jesús gudxe leke: —Xuuza nusë'le'e neda ati la'wa'gu kia' nak guuna le ryaazlaadxe'e Le' len ksiuudxa xhchiine.

Hechos 13:29

Chi nak ka', kati chi gluune kie' dera le nayoj kie' lu Diidza La'ay, guluzëtje le' lu yaag kruuz len gulagu'u'ke le' lu ba.