SAN JUAN 17:24 - Porciones en Zapoteco de las Delicias

²⁴ »Xuuza, Li' benn'ku'ne kia' len re'en'da lakua'ke len neda ga neda sua', naar lale'i'de yëla xhën kia', yëla xhën le bennu kia'; koma bdxi'i'du neda zia'at kati zia'a ga'ta yëdz'lyu ni.

Zapotec Isthmus

²⁴ Bixhoze', racaladxe chu' cani bidiiu naa que ra chuaa', ti gu'ya cabe enda risaca stinne'. Bisisaca lu naa purti gunaxhii lu naa dede dxi ca'ru chá guidxilayú.

SAN JUAN 17:24 Iomraidhean Croise

Mateo 25:21

Bënni xaane'a gudxe le': “Dxia'a'te beenu, naku tue' bënni wendxin tzawi len tuuz'laadxu'u nak, zala lati'iz gxhi'u tuuz'laadxu'u guk, lena'a zxhëni gzua lu no'u. Gyaaz len budziiji len neda.”

Mateo 25:23

Bënni xaane gudxe le': “Dxia'a'te beenu, naku tue' bënni wendxin tzawi len tuuz'laadxu'u nak, zala lati'iz gxhi'u tuuz'laadxu'u guk, lena'a zxhëni gzua lu no'u. Gyaaz len budziiji len neda.”

Mateo 25:34

Len Bënni Rnabe'e gie' nu nakua' kuiti'le'e yubeel: “Guldá lbi'ili, bënni ben'la'aye lbi'ili Xuuza; gulsi yëla rnabe' le chi zua rbëëz lbi'ili ka gu'ta'grë'z yëdz'lyu ni.

Mateo 26:29

San rea' lbi'ili ki tir gi'i'ja nup uva ni, nakati gdxin'r dza gi'i'ja nup uva kub len lbi'ili lu yëla rnabe' kie' Xuuza.

Lucas 12:37

Bixhgaba'ke bënni wendxin'a bënni'a kati udxiine bënni xan'ke udzëël'de leke tana'ze. Le nak'te rea' lbi'ili ki bënni xan'ke ni guune ga labë'ke len sulau'e ke'e lindu'ke.

Lucas 23:43

Jesús bubi'e kie' diidza: —Le nak'te rea' li', na'dza su' len neda yewayuba.

SAN JUAN 1:14

Bënni'a nake Diidza'a beene kuine bënni bunach len gzue' len ro'u. Len ble'i'ru yëla Xhën kie', yëla Xhën le bnëëdzje kie' Xuuz'ru Dios, le' nake Xi'ine lazdui, nadze'iz'de yëla nadxi'i len yëla li.

SAN JUAN 12:26

Xhki nu bënni re'en'de gake bënni wendxin kia', rala giid'leene neda, len ga sua' neda, na' sue' lekz'ka' bënni wendxin kia'. Xhki nu bënni gake bënni wendxin kia', Xuuza unëëdzje kie' bala'an.

SAN JUAN 14:3

Len kati chi zuwëëja ati chi nupa'a kieeli tu latj, wëëda yubl dujxi'a lbi'ili, naar suáli ga neda sua'.

SAN JUAN 15:9

Neda nadxi'i'da lbi'ili ka nadxi'i'de neda Xuuza; gulsua lu yëla nadxi'i kia'.

SAN JUAN 17:2

Koma li' nunëëdzju yëla rnabe' kie' Bënni Xi'inu ki gnabe'i'de yugute' bunach, naar gnëëdzje yëla naban tzalzu kieke bënni'a bnëëdzju'ne kie'.

SAN JUAN 17:22

Larakz yëla xhën le bennu kia', be'ka'ne, naar lake tuuz, ka nak'ru ro'u tuuz:

SAN JUAN 17:5

Na'a, Xuuza, ben neda xhën lau'u ka nak'kza xhën zia'at kati zia'a ga'ta yëdz'lyu ni.

SAN JUAN 6:37

Yugute'ke bënni'a Xuuza benne kia' tiid'leene neda; ati bënni tiid'leene neda, ti yulaag'ka'ne.

SAN JUAN 6:39

Le' nusë'le'e neda len le ryaazlaadxe'e le' nak ki ti lanitie' bënni'a nunne kia' san yuspan'ka'ne lu yëla gut dza zia'a za'.

SAN JUAN 8:58

Jesús bubi'e kieke diidza: —Le nak'te rea' lbi'ili ki neda chik'z zua' zia'at ka Abraham.