SAN JUAN 17:2 - Porciones en Zapoteco de las Delicias

² Koma li' nunëëdzju yëla rnabe' kie' Bënni Xi'inu ki gnabe'i'de yugute' bunach, naar gnëëdzje yëla naban tzalzu kieke bënni'a bnëëdzju'ne kie'.

Zapotec Isthmus

² purti gudixhe lu irá binni ladxi ná Xiiñi lu' ti gudii enda nabani ni qué zaluxe irá ni uchiña lu ra nuu.

SAN JUAN 17:2 Iomraidhean Croise

Mateo 11:27

»Xuuza chi bdëëde lu na'a yugute'. Len nutunu numbe' Le' Xi'ine Dios tuuze Le' Xuuze; len nutunu numbe' Le' Xuuze tuuze Le' Xi'ine Dios ati lekz'ka' bënni'a Le' Xi'ine Dios re'en'de ki lumbe'ke Le'.

Mateo 25:46

Bënni'a tzjake lu yëla rsaka'zi' tzalzu, ati bënni dxia'a tzjake lu yëla naban tzalzu.»

Mateo 28:18

Jesús gbiige'e ga nakua'ke'a len gudxe leke: Gdu'te yëla rnabe' ki yewayuba len ki yëdz'lyu chi nadëëd lu na'a.

SAN JUAN 17:24

»Xuuza, Li' benn'ku'ne kia' len re'en'da lakua'ke len neda ga neda sua', naar lale'i'de yëla xhën kia', yëla xhën le bennu kia'; koma bdxi'i'du neda zia'at kati zia'a ga'ta yëdz'lyu ni.

SAN JUAN 17:6

»Bënni'a grë'ku'ne lu yëdz'lyu ni naar gunn'ku'ne kia', chi gdixhji'kda'ne nuxh naku. Kiu' nakik'de len Li' benn'ku'ne kia', ati chi guluzenaage xhtiidzu'u.

SAN JUAN 17:9

»Ratayui'da Li' kieke; ti ratayui'da Li' kieke bënni'a nakik'de ki yëdz'lyu ni, kie'z'ke bënni'a nunn'ku'ne kia', koma nakik'de kiu'.

SAN JUAN 3:35

Xuuze nadxi'i'de Xi'ine len yugute' nudëëde lu ne'e.

SAN JUAN 4:14

san bënni gi'i'je nis le neda gnëëdzja, tzalzu udua yëla rbiidx kie'. Koma nis le neda gnëëdzja kie' ueaki tu nis le raalj len gnëëdzj kie' yëla naban tzalzu.

SAN JUAN 6:27

Ti gun'li dxin ki la'wa'gu le rak'ditji, gulgun dxin ki la'wa'gu le ti rak'ditji len runn yëla naban tzalzu. La'wa'gu ni gunne kieeli Xi'ine Bënni, koma Xuuz'ru Dios, chi nuun'de Le' kie'.

SAN JUAN 6:37

Yugute'ke bënni'a Xuuza benne kia' tiid'leene neda; ati bënni tiid'leene neda, ti yulaag'ka'ne.

SAN JUAN 6:39

Le' nusë'le'e neda len le ryaazlaadxe'e le' nak ki ti lanitie' bënni'a nunne kia' san yuspan'ka'ne lu yëla gut dza zia'a za'.